Tiva nih a hram (ai semnak tihna/ source) ah a kan hruai bantuk in ringawn (music) nih Pathian sin ah a kan hruai

Castel Gandolfo i a ummi “Borgo Laudato si” Pontifical Gardens ah Andrea Bocelli, Uganda, Holy Land (Israel) le Italy in a rammi ngakchia hna aa telmi “ABF Voices” phu hna he daihnak caah thlacamnak ah Pope nih a tel pi ve hna. Ringawn (music) nih minung lungthin nih a hngalh khawhlo mi biathuk innka luhnak tiang a kan kalpi i a kan hruai khawh.

Tiva a zul i a hram tiang a zawtmi nih tiva  ai semnak tihna (source) an phak bantukin, ringawn aw dawh nih Pathian sin ah a kan hruai i, vawlei nih a pek khawh lomi lawmhnak diriamnak a kan pek tiah a ti. July 29  zanlei sang ah, Castel Gandolfo Pontifical chung i Borgo Laudato si’ ah “Methuselah”  tiah min an pekmi holm oak kung thladem tangah, Daihnak caah thlacamnak le Hla saknak an tuah i cu hmun ahcun Pope nih biachimnak a ngeih hna.