Technology nih mipi caah a ṭhami rian kha ningcang tein a ṭuan awk a si

Chile ram ah tuahmi seminar ah, chanthar technology fimthiamnak nih a chuahpi mi ṭhanchonak hna cu minung zapi caah ṭhathnemnak a chuahpitu si awk ah le minung limhang le covo a kilvengtu siter awk ah media lei rianṭuantu hna sin ah Pope nih thazaang peknak a ngei. Technology fimthiamnak thilri vialte cu a hmaan ning tein le zapi caah a ṭhatnak lei in rian a ṭuan nakhnga thazaang a pek hna i, AI nih a chuahpi mi ṭhathnemnak le zuamcawhnak, harnak vialte hna kong ah Bupi nih khua a ruah peng.

 Avoi sarihnak International Seminar on Church Communication cu July 27-28 tiang Pontifical Catholic University of Chile ah tuah asi i Cardinal Pietro Parolin zong nih min a thut ve i an kuat hna. Latin America le Caribbean ram hna in technology lei thiamsang hna le, biaknak lei rianṭuantu, fimcawnnak le in thiamsang hna, Catholic Bupi aiawhtu cu AI kong i ceihmai awk le khuakhaanṭi awk ah seminar an tuah. Cu an seminar ahcun Pope nih ca a chuahmi “minung sinak limhang kilven zohkhenh awk”(Encyclical Magnifica humanitas) cungah chirhchan in ceihmai asi i AI nih kong ah ziaza, nunphung le biaknak kong ruah awkah meeting an tuah.