American ram chung luhchuahnak zulhphung he pehtlai in miphun thleidannak ngol ding ah American Bishop hna nih cathanh an chuah

American ram chung luhchuahnak zulhphung ruang ah nunnak liam tiang in thil tampi an tong. Cucaah Pathian pekmi minung nunnak le minung covo limhang hi upat ṭihzah awk asi i, a hohmanh nautat zawmhtaih awk asi lo tiah US Bishop Daniel E.Garcia le Bishop Brendan J.Cahill hna nih US ram chung ah mipeem hna le raldor hna caah tuah mi zulhphung nih thleidannak a ngeih awk asi lo tiah cathanh an chuah.

Catholic hna nih, minung cu Pathian muisam keng in sermi kan si tiah kan zumh. Minung nunnak cu ningcang loin donghter le an nunnak lak an si tiak ah ngaihchiat awk ngai asi. Nai te ah, American ram chung luhchuahnak nawlngeitu hna nih an tuahmi zulhphung ruang ah nunnak liamnak tiang a chuak caah cathanh kan chuahnak cu asi. American Bishop hna (USCCB/US Conference of Catholic Bishops) in dinfelnak le rualremnak lei ah ṭuanvo pek asi mi Bp.Daniel E.Garcia le mipeem hna caah ṭuanvo ngeitu Bp.Bredan J.Cahill nih hi cathanh chuahtu an si. 20 July 2026 ah (USCBC) website i an ṭial ning ahcun, ICE ruang ah nunnak a liammi hna caah ngaihchiatnak an langhter. Rammi nawlngeitu hna nih ram rian an ṭuan a herh ve bantkin upadi le zulhphung hna nih minung limhang kha upat loin, mi nunnak tiang a lak awk le a hrawh awk a si lo tiah a langhter.