Central African Republic ah thah a tongmi Catholic tlangbawi pa cu daihnak lamkaltu pakhat dirhmun in cohlan a si.
Central African Republic ah remdaihnak le remdaihnak caah rian a ṭuanmi Catholic Tlangbawi pakhat a simi Father Crepin Martial Monga cu June 29 ah Zemio khua i a umnak inn pawng ah hriamtlai pawl kut in thah a tong tiah theih a si. Amah cu Central African Republic, Zémio khua St. John the Baptist Catholic Church ah hmunṭhu in Pathian rian a ṭuan lio mi zong a si.
Thah a tonnak konglam fiangfai in theih dih a si rih lo nain, a Khrihfabu hna nih an zumh mi cu ‘timhcia tein tuahmi thahnak a si’ tiin lunghrinhnak zong an ngei.
“Caan cheukhat ahcun amah le a hruai mi Parish chung um hna nih ralzam 3,000 leng zohkhenhnak mission zong an ṭuan. Hi rian hi a biapi tuk. Cu pin ah, mah hi hriamtlai phu hruaitu phunphun le nawlngeitu hna he pehtlaihnak tampi zong a ngei i buainak hna a um caan ah remdaihnak a kawl zungzal tu a si,” tiah Zémio diocese hruaitu Bishop Gazzera nih a chim.
‘Hitin ramchung ah remdaihnak caah biatak tein rian a ṭuan ruangah a tuah ṭuanmi a duh piak lomi hna phu nih an thah mi a si ko lai’ tiah diocese chung um cheukhat nih cun an zumh.
Father Monga nih Zémio khua chung buainak le rem lonak hna an daihnak hnga ding caah ‘diahnak commiṭee phu’ zong 2025 kum chung vialte a rak hruai hna.
Azande Ani Kpi Gbe, asiloah Azande Militia tiah theihmi khuachung hriamtlai phu nih cozah riantuantu hna le cuka hmun i United Nations daihnak sertu hna le Fulani le Puel miphun hna kha abik in an kah tawn hna.
Khuachung um St. John the Baptisit Church Khrihfa hna nih January thla thawk in buainak ruangah har a tong mi minung 2,000 hna cu an cohlaan hna i an zohkhenh lio hna caan zong a si.
Catholic Khrihfabu cu Muslim le Protestant Khrihfabu hna he hmunkhat ah biaknak karlak pehtlaihnak in daihnak caah hmainor in rian a ṭuan cuahmah lio caan zong a si.
Pope Francis nih daihnak tling a um rih lonak Central African Republic (CAR) cu 2015 kum khualtlawnnak a rak ngeih bal. Zangfahnak Jubilee (Jubilee of Mery) rak thawk caan November 29, 2025 lio ah Pope Francis nih khupi Bangui ah a ummi Notre Dame Cathedral Biakinnpi innka thiang zong rak on nak a rak tuah.
Source: ucanews