NUPI ṬHA

Mithiang Paul nih, “Lenglei i ṭamhnak, nan sam phiarningte hna, nan ṭhi nan hlawn te hna, thil nan thuamte hna ah khan, nan i dawhnak cu aum awk asilo, nan i dawhnak cu nan chung muru ah aum awk tu asi i cu nan i dawhnak cu atar kho lomi nemnak le daihnak lungthin, Pathian mithmuh i a sungbikmi thil asimi kha asi. Pathian arak i bochan minu hna cu, cubantuk in an i dawhnak asi mi cu asi. an vale nawl an ngaihnak ah khan an i dawhnak cu asi. Sarah kha cu bantuk cu asi, Abraham kha anawl a ngaih, “Ka bawipa” tiah a auh. Ṭhatnak nan tuah i zeihmanh ṭihnak nan ngeih lo ahcun, a fanule cu nanmah hi nan si. (1 Peter 3:3-7). Sihmanhsehlaw nuṭha lo hna cu ṭihnung an si, tiah Ecclesiastes nih a ti. “Nu ṭha lo hna he umṭi mi nakin chiandeih (asiloah) Limkeng he umṭinak nih thinlung a dai deuh. (Ecc 25:23)

Daitein aum thiam lomi cawtuah khat bantukin nuṭha lo cu an si. Amah a hnuh tu pa cu sakhithat mei aathlaih sualmi bantuk asi. (Ecc 26:10) Nupi ṭha hna thawngin innchungkhar hna ah ṭhatnak tampi an hmuh i nu ṭha lo hna ruangah innchungkhar ah that lo fahnak an ton. Khrihfa nu hna cu aṭha mi nu an si i a nunnak kha an remh zungzal caah thangṭhat awktlak an si ah cun thluchuakmi nunning ziaza kha an sermi asi. Chungkhar ṭuanvo riant lam athlinhmi, dingfelmi pa an um bantukin nupi ṭha tampi zong an um ve. An i pekchanhnak, an in tuarnak, pum i peknak le Dawtnak hna kha RC Bupi nih a thangṭhat zungzal lai.