Vatican zungpi nih SSPX phu hna kong he pehtlai in cathanh a chuah

Catholic Bupi zumhnak lei cawnpiaknak tlangtla phu ( Dicastery for the Doctrine of Faith) zungpi nih SSPX (Society of St. Pius X) phu hna tuahser mi Bishop pek nak kong he pehtlai in Bupi phunghram (Canon Law) cawnpiak ning in July 2 ah vawlei pi theih in thawngthanhnak a tuah.

SSPX phu hna nih July 1 ni ah Switzerland ram Écône khua ah Pope nawlpek nak le hnatlak pi nak um loin Bishop cannak minung 4 an pek hna tiah Vatican news nih a langhter. Catholic Bupi lu bik a simi Pope Leo hna tlakpi nak um loin cu tin an tuahsernak nih Bupi pumkhat sinak a ṭhencheu tu tuahsernak (schismatic act) a si tiah a langhter fawn. 

Cuasicaah, Bishop cannak a pe tu siseh, Bishop caannak a hmu tu minung 4 si hna seh, catholic Bupi hnatlak pi nak um loin tuahser nak phung a buartu sinak (latae sententia excommunication), bupi chungin chuak an si nak zong cathanh chuah mi ah langhter a si. 

Catholic Bupi chungin chuah an sinak cathanh( Decree of Excommunication)

Vatican lei in tlangtla tu phu hna nih fianternak an tuah mi ah: SSPX phu hna he hmun khat ah a dir mi Khrihfa hna zong Bupi pumkhat sinak ralchanh in a chuak mi hna an si tiah a ti. Cun SSPX tlangbawi pawl nih an tuah mi sacarament hna kong he pehtlai in (တရားဝင်)an si lonak zong mipi theih in cathanh ah langhter a si fawn. 

Sihmahsehlaw, catholic Bupi phung cawnpiak nak chungah a hung kir ṭhan mi hna le hmunkhat ah um a duhmi paoh cu lunglawm tein dawn zungzal an si nak kong zong Vatican zungpi nih a langhter.