Pope Leo Spain ah a ni thumnak: “Nihin ah Madrid um Khrihfabu nih philh khawh lomi goal nan khumh”

“Ka ruah ning ahcun, bawlung chuih thiam pakhat caah, hi lentecelhnak hmun ah goal sut-khumh khawh cu an nunnak ah philh khawh ti lo ding thil pakhat a si lai tiah ka ruah. Asinain, nihin ah nan nih Madrid khua um Khrihfabu nih philh khawh lomi goal nan goal taktak a si!” tiah Pope Leo XIV nih a chim.

Minthang Bernabéu bawlung chuihnak hmunpi ah, Pope nih vawlei teinak nak in a thuk deuhmi ah mipi lungthin a lak khawh hna. Madrid khua chung minung 80,000 sinah bia a chim lio ah, “aa dawh tukmi Khrihfabu chungkhar” an dirh nak cungah a thangtthatnak fawn hna.

A biachimnak ah, Pope nih hla le ringawn dawh hna an biapitnak le an i dawhnak bantukin mi vialte zong nih thlarau lei in dawhnak, zaangfah thiamnak te hna kha cawn ṭhan dingin a forh hna. “Cuasilo ahcun Thawngṭha chimnak a ṭhatnak a tlau kho, cun lungdonghnak le zumh lonak hna caah hmunhma a chiah khawh” tiah a ti hna.

Mi vialte kha ṭih hlah u tiah thazang a pek hna. Zeicahtiah, Diocese chungum bu pakhat bantukin, Madrid zong nih “minung hna caah thil ṭha bik a chuahter kho tu thawngṭha chimtu tehte pawl kha a pek khawh ko hna. Cu mi hna cu, hmanthlak le bia vaivun nih zeitluk hmanh in deng ko hna hmanhsehlaw, dinnak caah le ṭhatnak tuahnak ding caah cun rawl ṭam le tihal bangin an hal ko” tiah a ti hna. A bia donghnak ah hla an sak mi (gospel music) he pehtlai in a chim: “hla nih minung kha cohlaan mi sinak a kan theihter. Mi vialte caah aa Kau Peng mi Bible bantuk si ko u” tiah a ti hna i “Dawtnak cu khawika hmun paoh ah, mah umnak hmunhma bantukin ruahkhawh nak lungthin a kan ngeihter tu a si” tiin a bia a donghter.