Pope Leo XIV: Hmailei caah zeidah kan chiahtak lai?

Minthang zukcawl thiam, lentecelh thiam, laamthiam, chawlehthalnak hruaitu hna professor pawl nih Pope Leo Madrid ah tonnak an ngei hna. Pope Leo nih “aa ṭhencheu chin lengmang mi vawlei pi ah pehtlainnak a tuah tu, ruahchannak le lungrualnak a chuahter tu ‘Mithar’ “si dingin forhfialnak zong a ngeih hna.

Pope sinah bia a chimmi hna lakah pakhat cu lemcang thiam minthang Antonio Banderas a si. Zumhnak le art in cuan-langhtermi  karlak i pehtlaihnak kong siseh, lentecelh thiam Teresa Perales le Carolina Marín hna nih lentecelhnak in cawnmi in-tuar khawhnak, toidornak le lungrualnak man an ngeih ning kong hna kha an langhter cio.

Pope nih ruah ding tete asi mi biahalnak a tuah mi hna cu:

– “Hmailei caah zeibantuk rothil dah kan chiah lai i, a pehzulh in, zeibantuk zatlangbu dah kan ser lai?”

– “Minung taktak sinak kan timi ah hin cu zeidah a chim duhmi sullam a si?”

– “Zeibantuk nunphung dah kan kilven i zei hna kha dah thihter (tlauter) dingin kan timh hna?”

– “Zumhnak nih a uk lo ahcun Europe cu aa khat ko lai tiah zumh khawh taktak a si maw?”

– “An ziaza le an thilti khawhnak a um ko nain hrialmi minung hna cu ahodah an si?”

Chungkhar khat dirhmun in, kan hmailei kong cu minung kan lianngannak taktak a langh khawhnak ding cungah hin aa hngat ko. Cu thil tuah khawhnak ding caah, Pope Leo nih mi vialte kha “nunnak hmun kip ah aa remmi pehtlaihnak thar a sertu- hruaitu thar si” dingin a forh hna.