2026 caah Pathian Sermi thil zohkhenh kilvennak caah thlacam ni Tlangtar (Theme) cu Vatican nih a thanh
Minung Ṭhanchonak caah Rianṭuantu Phu (The Dicastery for Promoting Integral Human Development) nih a chimmi thawngthanhnak ah, Pathian sermi thil hna zohkhenh kilvennak caah thlacamnak ni cu 2026 September nikhat ni ah tuah asi lai i cu ni caah Tlangtaar (Theme) cu Is 2:4 cacaang hi Pope nih a thim tiah an thanh. Cu Bible cacaang cu, “Miphun ngan pipi an i siknak cu a remh hna lai. An vainaam cu cu tuhmui ah an ser hna lai i an fei cu namtong ah an ser hna lai.Phun khat le phun khat an i do ti lai lo, raldoh zong an i tim ti lai lo.” ti asi.
Raldohnak le pawngkam rawhnak hi pehtlaihnak an ngeihnak kong Pope nih a langhter. Minung cu Pathian sermi thil zohkhenh kilven awk ah ṭuanvo pek kan si nain kanmah minung lila nih kanṭuanvo kan buar ruangah, minung nuai tampi cu ṭihnung dirhmun ah an um tiah a ti. Pope nih a chim rih mi cu, raldohnak le pakhat le pakhat i thahnawnnak in minung caah ah ṭhanchonak lam kawl ding hi a biapi deuh tiah a ti.