St. Fidelis, Priest & Martyr, 1578-1622
Audio (aw) zongin ngai khawh a si. 👇👇
Propakan dafide bu i hmasabik Martyr a simi St. Fidelis cu 1578 kum, Germany ram, Simarigen khua ah a rak chuak. Ferbury University ah upadi thiamsang degree a lak hnu ah hremnak a tong colh i, ‘misifak hna sihni’ min in pawcawmnak rian a rak á¹uan. 1612 kum ah Kapochin thlacambu ah lut dingin a rian kha a kaltak. Cu Biakinn chungin Siangbawi cannak a lak. Sual i ngaihchih zungzalnak le thlacamnak in a rak nungmi a si. Amah cu zungzal titluk in phungchimnak le sualthlah piak awk caah an rak sawm. Thathutnak in luat awkah hi bangin a rak aupi zungzal. ‘Hling luchin aa chinhmi ka Ralbawipa rian ah kei cu huam setsai loin ralkap a á¹uanmi ka si ahcun ka cungah chiatnak tlung ko seh’ a ti.
Propakan damide nih nawlnak in Switzerland ram Krisen ramkomh i Bawipa Thisa Sacrament a cohlang lomi zumhnak a zulmi hna sinah rian a rak á¹uan. Mission rian a á¹uannak ah phungchimmi nakin thlacamnak nih hmual a ngeih ti a theih bangin a caan tamdeuh kha Biaká¹heng hram ah a liamter. Protestant tampi nih Bupi chungah an rak lut caah amah he aa zuamcawh mi hna nih amah kha thah dingah a thlithup in khua an khan.
1622 kum Kruch khua i phung a chim lioah, ‘Catholic zumhnak cu pumkhat a si i a fek i a á¹hawngmi a si, pumkhat a simi lungtum cungah thukpi in hram a bunh; van le vawlei a rawk hmanh ah Catholic zumhnak cu zeitik hmanh ah a dong kho lai lo’ tiah a rak chim. Kruch khua in Suez khua ah a kal i cuka ahcun Catholic zumhnak a domi miá¹halo phukhat he an i tong i cu hna nihcun an rak thah. An thah hlan ah mithattu hna caah thla a campiak hna. Thah a innak kha a rak dirkamh mi Bawipa Thisa Sacrament a cohlang lomi zumhnak hruaitu hna nih Catholic bu chungah a rak lutnak cu Mithiang Fidelis i biatak ruangah thihnak a innak hmasabik theipar a si.