St. Stanislaus, Bishop & Martyr(1030-1079)

Krakow khua Bishop a simi St. Stanislaus cu 1030 kum ah Poland ram, Szczepanow khua ah a rak chuak. Amah kha Bawipa Jesuh sinah a rak pechanmi a nu le a pa an thih hnu ah a ngeihmi chawva thilri vialte kha misifak hna a ṭhenh hna i Pathian he pehtlaimi calei cawnnak kha a thawk. Ca a cawn hnu ah Msgr. Lampert kut in Siangbawi cannak a hmu. 1072 kum ah cu Msgr. Rian cu a chan. Amah cu kumfa tein a ukchung peng le ram kha a tlawng hna i Siangbawi hna le Khrihfa hna sinah Thlarau thazaang thar a phawrh hna. A inn ahcun misifak hna he an khat peng. Nuhmei hna le fihnung in harnak a tong taktak mi hna an min cazin a laak hna i a hmaanning tein a hlu tangka le thilri a phawtzamh hna.

Culio caan ah Poland ram cu King Boleslaus II nih a rak uk lio caan a si, cu Siangpahrang cu a hornak diriam dingah ve ngeimi nu a rak lekpi tu pa a si. St. Stanislaus nih cu bantukin Pathian duh lomi a tuah caah fakpi in sual a phawt caah Siangpahrang pa cu a thin a hungtuk i Mithiang pa kha a tlerh hnu ah ton biaruahnak cu a ngol.

Bishop cu; cu bantuk a lung a khongmi pa caah Bupi chungin ṭhawlnak hleiin a dang thim awk a ngei ti lo. Cucaah Siangpahrang cu Krakow khua Bishop inn ah a rak lut tikah Bishop nawl peknak in pumhnak caanhmannak kha an rak ngol colh. Siangpahrang cu a thin a hung i St. Stanislaus kha a tlaih i khualeng St. Michael Biakinn hmete ah a hruai hnu ah Missa a tuah liopi ahcun a thah. Cu hnu ah Siangpahrang cawngtu hna nih a ruakpum kha nam in an can i sahrang nih a seh ti phun in an vawr dih. St. Stanislaus cu 1097 kum ah a rak thi i a thilhlun hna cu Krakow khua Bishop inn ah an chiah.