Hlawnphuah

Hlawn timi cu va ngeitu nih a vale far kha ṭhi le hlawn a pekmi hna kha a si.

Hi hlawn kong he pehtlaiin Head nih a tanglei bantukin a ṭial hna.

Hi thil hna hi nu nih thuamhnak caah hmanmi thil le hlawn an si. Lukhimhtung, cikcin, lawngka, hrihrual (cumci), kengkai, taisawm, banhrolh, banal, kutzungkhimh (kutdonghrolh) hna an i tel. Va ngeitu nih a thil hlawn vialte kha a va inn ah aa kalpi dih. A va nih phunthawh a man dih tikah ve ngeitu i a nifar a ngeih lo ahcun a nile nih an co ding a si. Vokthah, zudah in hlawnphuah an hal lai. A ngeihmi chungin thumchuah khat a phuah hna lai.

Hlawnphuah awk a ngeih lo ahcun a ṭa nih a cawk, a kawlpiak lai (hmuhnak lam a kawl lai). A ṭa nih a pek khawh lo ahcun puman co fanu pakhatkhat nih asiloah seiman co nih pek ding a si lai.

Hlawn an phuah khawh hna lo ahcun an far va ngeini cu a ṭa nih siapi a pek lai i a fater kha a va far upabik kha a pek lai. Hlawn kong ahcun nupi ṭhitu far upa bik nih co a s ii, hlawn a tam ko ahcun an unau rual i ṭhenh khawh a si. Khuate ahcun hlawnphuah awk an ngeih lo ruangah a ṭa nih a pekmi kha Rs. 5 in siate tiang lanwg a si ko.

Hlawn co hna nu hi sau a nun ahcun a fanule kha a phawtzamh hna lai. A tlawm ahcun upa bik nih aa laak dih ko lai. Hlawn cotu nu nih fanu a ngeih lo ahcun hlawn cu pa thil a si lo nain fapa hniang bik kha a roh khawh.