Nu le Pa Dawtnak
Nu le Pa Dawtnak.
Kum (37) asimi LengṬul Flawrence cu anu sinah lam hla in phone a chawh. Ka nu, na fanu, Pariskhua in phone kan chawnh. Na dam maw? Thawnthanh kan duhmi a um caah asi. “A nu cu lunglawmngai khin, Ka fanu Paris maw na phanh. Na dam ve ko lo mei? Thawng na ka thanh duhmi cu vun ka thanh colh ko. “Na fa nu caah na lungrethei ti hlah seh, Dawtmi ka hmuh cang, aruah hlan ah leh kaa thah cang lai, ka nu? Cutikah a nu nih, “Kaa lawm tuk ka fa nute, thawng Ṭha na ka thanh, na nun chung dawtmi na tong kho ti lai lo tiah pei kan ruah cu,” “Asinain ka nu, ka dawt mi pa, nansin ka ratpi hlan ah akonglam hlankan in kan chimh te hna lai, Pakhatnak ah kan biaknak aa khat lo, ka nu.” A poilo ka fanu, nangmah an dawt kha abia pi”. “Ka nu, kan miphun aa khat lo.” nangmah nih na duh ahcun a za ko”; mi phun aa khat lo zong apoi lo. Cun ka nu aw. Ka nu hi theihthiamnak na ngei taktak…. Cuhnu ah rian angei lo, rian Ṭuan zong a huam lo, atha thu; phanghlah ka fanu, keimah nih ka cawm ko lai. Ka nu hi nutling taktak na si ko. “Nafanu kan i thit -um ah cun umnak inn kan ngei lo. Ka nu, cu zong cu pharnghlah ka fanu, na nu le innah na nu he kan um ko lai. Asithiam lai mw? Ka nu, ka nule inn cu ahmete lo mei?… Phang hlah ka fa nu, Kafanu le nuva nih innkhaan ah nan it te lai, na pa cu innhmai thingthang ah a it te lai. Ka nu tah khoika na ih lai, … cu zong cu phang rih hlah ka fanu, atu nangmah he phone kan i chawmh dih in thih sivai ka ding lai i ka thi cang lai’ tiah ati i phone cu a chiah colh.
Fale hna zong hi nupi / va i thim tikah za longtein ithim khawh an si ko nain palh lote in thim khawhnak caah hmuhtonnak atam i ruahnakṬha ape kho dingmi nu le pa sin ruahnak hal hmasa awk asi kha philh ding asi lo.
Pa, Nu le fale aa telmi innchungkhar kip nih a nuammi innchungkhar asi. Cu Ṭuanvo cu innchungkhar chungtel dihlak ‘dawtnak’ Ṭuanvo asi. Pakhat khat nih cu Ṭuanvo a tlolh ahcun innchungkhar dihlak a hnursuan khawh.
Innchungkhar chungtel dihlak Ṭuanvo cu abiapituk mi asi. Innchungkhar ah Pa cu airawlh khawh asilo bantukin Nu zong hi airawlh khawh asi ve lo. Cu ve bangin fale hna an biapi ve ti kha philh awk asi lo.
Sir Michael Costa nih ahruaimi minthang Ringawn phu nih hneksak cawnnak an tuah lio ah thanglawi Chemtu pa nih keimah ka chemlo ahcun zeihmanh aathei lem lailo, ati i chemlo in arak um. Ringawn phuntling lakah thanglawi thawng theih asilo caah hruaitu Sir Michael Costa nih Ringawn kha hmakhat te ah aṬhabik ‘Laam’ ding cu mikip caah abaipi ngaimi asi.
Innchungkhar Chungtel dihlak zong mah le hmun hma cio ah aṬhabik in ‘Laam’ cio awk a si.