Na fale zumtlak sinak kha la tuah

Biafang hna kha fimthiamte in i thim law hmang tuah.

“Mifim bia nih cun hma kha a damter.” (Phungthlukbia 12:18) Fale hna sinah thang~hatnak bia, thazaangpeknak bia chim thiam aherh. Lungrawh dingah, lungdonghdingah, sualphawtnak bia hna kha hrialawk an si.

“Lehnak nem nih thinhunnak a damter, siahrang nih cun thin a phawh.” (Phungthlukbia 15:1-2). “Nu le Pa hna, nan fale kha an ingpuanter hna hlah uh,an a  lung a dongsual lai.” (Kolose 3:21).

(7) Nafale zumtlak sinak kha la tuah.

Nu le pa hna cu fale hna zohkhenh (khalh) tikah cawkhalh bantuk silo in tuukhal bantukin zohkhenhawk an si. Caw cu mawngh in cawngh an si. Tuu hna tu cu annih an zumhtlak mi tuu cawngtu nih ahruai hna. Tuukhaltu hnu leiah tuuhna nih an zulh bantukin ngakchia hna zongnih an nu le pa hruainak ah zumhtkak te in an zulh hna ahcun atthatuk mi asi. Tuuhna cu akhal tu awnem kha an theih i hnu an zulh tawn asilo mei? Voikhat Kumriat (8) te asi mi ngakchia pakhat cu lung zawtnak in khuai dingah sizung arak kai.

Cu ngakchia pa nih, Ka pa thaizing cu khuai khaan luh ding ka si cang maw? tiah ahal tikah a pa nih, “Ka fapa, na ttih maw? tiah ahal. Cutikah ngakchia pa nih a pa kha a zoh i “Pathian nih ka pa bantuk hin zawn a ruah aka zaangfah ahcun ka thih lai ka ttih lo,” tiah ati.

Pale kha fale nih bochanh le zumhnak ngeih ahcun fale nunnak ah thazaang tampi ngeih khawh asi.