MIDANG LAM HMUHSAKTU

Halo RVA in thawngṭha a ngaitu u le nau vialte hna, Bawipa Jesuh Khrih nih damnak le lungpanhnak kha kan pe cio hram seh! Nihin cu Zarhkel zarh (5) nak chung Monday cawn nikhat ni kha kan phan ṭhan cang. Hi Monday ni ah kan relmi cathiang hna hi hrawmpi kan duh hna. Nihin kan cathiang chungah voikhatnak kan relmi chungah hin zeidah kan hmuh ti a si ahcun Solomon Siangpahrang nih Biakinn pi a sak dih hnu ah Pathian sinah ap in thla a cam. Cun biakinn pi chungah Bawipa a um zungzal nak hnga le Bawipa Pathian nih hi Biakinn chung i a rami vialte hna kha thluachuah peknak hnga ti in khan Solomon Siangpahrang nih a biakinn thar chungah khan thla a cam timi kan thieh. Cun Jesuh Khrih um pinak nih khan damnak le ruahchannak a umter bantuk in kannih vialte zong nih hin kan um kan kalnak kipah hin kanmah minung duhnak si lo in khan Pathian nih hi thawngṭhabia kan theih ciami chungah ceunak le cite bantuk in tiah a kan ti bantuk khan kannih hi Jesuh Khrih nih a kan fial ning tein kan nun kan can kan bawmh hna a si si ahcun nang le kei hi Bawipa Jesuh Khrih a nunning le Bawipa Jesuh Khrih a tuahmi  kha a si kho chungin khan kan zulhnak thawngin khan kan pawngkam a ummi a dam lomi vialte caah siseh, a ngaihchiami vialte hna caah siseh kannih nih vawlei kha damnak a petu Jesuh Khrih bantuk in khan Lungthin a dam lomi vialte zong nih Bawipa Jesuh sinin khan damnak an hmuh khawh hnga caah khan kannih vialte nih a petu si kho ding kha kan i zuam lai. Jesuh umpinak nih hin damnak le ruahchannak a umter bantuk in kannih zumtu vialte hna le a hnuzul vialte hna paoh nih hin a ṭhawngmi khuaruahhar laksawng a si ve. Cu laksawng nih cun kan pawngkam a ummi vialte hna kha cawisannak le damnak ṭhit hruainak kha a pek kho. Cun mithmai panh mithmai ṭha le bawmh duhnak lungput in nihin kan pawngkam ummi minung pakhat i nunnak kha nuamhnak a pek khawh. Zaangfah dawtnak he a khatmi Jesuh bantuk in dawtnak, zaangfahnak, remnak hmun a sertu si ve i zuam usih. Bawipa Jesuh Khrih nih a um, a kalnak vialte ah a dam lomi vialte hna kha damnak a pek hna. Cun, a bik in Bawipa Jesuh sinin damnak a duhmi tampi hna kha damnak a pe hna. Ruahchannak a ngei lomi vialte hna kha ruahchannak kha a pek hna. Cun a lung a nuam lomi a ngaihchiami vialte hna kha lunglawmhnak kha a pek hna. Cu tikah Bawipa Jesuh Khrih sinah an um an kal tikah zeidah kan ei lai, zeidah kan din lai timi zong hmanh kha ruat loin khan a biathiang le amah umpinak lawnglawng kha nitinte an hmuh an don tikah khan lunglawmhnak in an khat. Kha tikah khan Jesuh Khrih umpinak thawngin khan minung vialte nih amah a tongmi vialte hna nih khan lung siinak lungtlinnak an ngei i ka rawl ṭam, ka paw ṭam ti hmanh kha ruat loin khan chunchun zaanzaan bak in khan Bawipa Jesuh Khrih kha an rak zulh timi kha kan rak hmuh. Cucaah kanmah pumpak zong nih khan ruahchannak le damnak a simi Jesuh Khrih umnak hmun ah kal in naih kan i zuam ve lai. Hika ah kanmah lawnglawng nih khan Jesuh Khrih a nunnak cutincun a si tiah khan kan chim lengmang i mi vialte hna kha Jesuh Khrih sinah  kalpitu Jesuh Khrih sinah kal duhnak lungthin a ngeimi an sinak kha kan langhter lo a si ahcun kanmah sin lawnglawng ah an rak ra hnga i kanmah lawnglawng kha mithang mi bantuk ah khan kan si hnga i mi vialte kha kanmah ca lawngte ah minung kha zultu a ser kho si kan i zuam. Asinain khan France ram ah Siangpahrang pakhat pa cu a pum bal lo RC a si kho, sihmansehlaw Siangbawipa minthang ngaingai mi phungchim thiam ngaingai mi kha a um ti si ih cu phungchim a thiamtuk timi Siangbawipa a rak rat paoh ahcun Siangpahrang pa cu a pum e ti si. Kha tikah khan cu Siangbawipa zei a ti ti a si ahcun “Kei cu phungchim a thiamtuk” tiah an ti i, keimah ka min an thangṭhat, keimah lawngte an ka thangṭhat, Father min lawngte an thangṭhat i Pathian a thangṭhattu Pathian sinah a kaltu a pummi an um lo i keimah lawngte an ka thangṭhat. Cu tikah keimah hi mi vialte kha keimah zultu aa va sermi bantuk ka si. Sihmansehlaw mithiang St. John Mary Vianny cu phungchim a thiam lo, phungchim a thiam lomi a si. Phung a chim hmanh ah orh/ah in khan bia a chim. Phungchim a thiam lotuk an ti ko nain a phungchim a ngaimi vialte nih Jesuh Khrih sinah an panh dih. Cucaah annih cun Phungchim a thiam lobik an ti ko nain khan a phungchim a ngaitu vialte kha Jesuh sinah a hruai dih hna. Kei cu phungchim a thiamtuk an ka ti ko nain khan ahohmanh keimah phungchim ruangah biakinn an panh lo. Cu bantuk in khan kanmah lawng kha phungchim kan thiam i Pathian rian kan ṭuan kho i peknak lei zongah Jesuh min in, Pathian min in siloin khan le Pathian inn ah kalter loin khan kanmah sin lawngte ah mi vialte kha kan phanhter dih hna a si ahcun Jesuh sinah a kaltu um loin khan an um hnga. Cucaah nang le kei zong Jesuh min in rian kan ṭuan kan ti tikah khin amah amin kan putmi amin kan lakmi amah sinah mi vialte a kal khotu, a kalter kho tu si kho zongah i zuam fawn usih. Cucaah number (1) nak ah Jesuh a ṭhatnak kha kan theih bantuk in khan Jesuh Khrih ṭhatnak kha mi vialte nih antem i kanmah zong nih a chim kho tu tehte a khang khotu a si lengah kan bia a theimi a kan zummi vialte hna kha Jesuh sinah, a ngaingai tiah cun Jesuh ṭhatnak kha kannih zeihmanh minung kan sinak khan kan tuah khomi um lo. Zeizong vialte kan tuah kho lo, kan tuah khomi tlawmpalte um, kan theih khomi tlawmpalte um. Sihmanhsehlaw, zeizong vialte a tuah khotu duh herhmi vialte a pe khotu Jesuh sinah a kalter khotu si dingah khan kanmah zong kha kan i zuam fawn lai timi hi cheuhboh buin khan nanmah vialte kha kan sawm hna. Solomon Siangpahrang bantuk in khan Pathian he a kan hlattertu si loin khan Pathian dawtnak a hmangtu, Pathian dawtnak a hngaltu si kho dingah khan i zuam usih tiah forh kan duh hna.