Nafale le na caan kha hmunkhat te ah hmangti hna.
Ngakchia hna he caan pekin umnak cu zei he hmanh airawlh khawh asi lo. Ngakchia hna cu nu le pa he hmunkhat umtinak caan an ngeih ahau. Sui, ngun, thilri hna cu ahmunmi an silo. Innchungkhar he lumsate in umnak nawl hmuhtonnak i lunghmuihnak hna tu cu nunchung philh khawh asi lai lo. Mah caan kha midang ca peknak cu mah nunnak pumcheu bang asi caah man ngeihngaimi asi.
Tlangval pakhat cu hlenthoi sualnak in anrak tlaih i biaceih bawi sin an phanh pi. Cu Biaceih bawi cu tlangval pa i apa he aa dawtuk mi hawikom an si. Tlangvalpa apa cu upadi he pehtlaimi catial Saya minthang pakhat asi. Biaceih bawinih tlangval pa kha dengteo in a zoh i,
“Ka fapa, ahmaina chiatter mi na pa kha na cinken maw? tiah ahal i tlangvalpa nih, “Keimah, thatein amah ka kaa cing ko, Pakhat khat caah ruahnak ka va hal faten caan aka pe bal lo, aka thawl, a cauk he lawng a tuaitam peng ko.
Atu ah amah cu teinak ahmutu Catialthiam Saya pakhat asi cang. Keimah tu cu atu ah thong ka tla cang lai,” ngaichia ngai khin a leh.
Nikhat ah Siangbawipa pakhat cu arian atuaitam liopi ah afa note cu apawng ah arak naih. Cutikah sibawipa cu a Angki zal aa dah i tangka tlawmpal a chuah hnu ah afapa cu apek tikah “ka duh lo” tiah ngakchiapa nih a al.
Cu tikah cabuai hrawlthup kha ahnuh i thanthling tlang tlawmpal alak i afapa kha a pek. “Ka la lai lo” tiah a al tt`han. Cutikah arian aa tuaimi apa nih thintawni nawn khin asi ah ka fapa, zeidah tiah a hal tikah “ka pa he um tti lawng ka duh” tiah arak leh.
(3) Atanglei bia pathum hi zeirel lo in um hlah!
Cu bia pathum hna cu;
“Ka ngaih thiam”.
“Kan ngaih thiam”.
Innchungkhar ah khat le khat ngeithiamnak hi arak herh zungzal. Nu le Pa le fale karlak ah thinhunnak hna, zumtlak silonak hna, lungtlinlonak hna cu a caancaan ah a chuak ttheo. Cu tikah i rem lo nak tehna, mi hmai nuamh lo nak hna, aum tawn. Cu bantuk asi caan ah, adaihter mi in komhnak, a dorhter dingmi dawtnak lungthin, ahlatter mi thinlungput hna in he khat le khat ngaihthiam i rem tthan nak in lungrual dawtnak kha sertthan ding asi.-
Ngaihthiamnak cu innchungkhar lungrualnak, dawtnak kongah abiapi ngaimi asi. Nu le Pa la fale hna karlak ah khat le khat ngaihthiamnak, i nawl nak hna thawngin daihnak a chuahter.