Baptism of the Lord, Bawi Jesuh Tipil Innak Puai
Audio (aw) zong in ngai khawh a si. 👇👇
Jesuh Khrih kum (30) tluk a si ahkhan St. John Baptista cu Judea thetse ram ah, “Nan sualnak i ngaichih u! Pathian Pennak a nai cang” tiah au in a cawnpiak hna. Cu lioah Jerusalem, Judea le Jordan tiva kam um, mi tampi hna cu an sualnak kha an i ngaichih i Johan sinah an kal hnu ah Jordan tiva ah tipil an rak ing cio. Farasi mi le Sadusi mi tampi nih tipil in awkah an rat kha Johan nih a hmuh hna tikah, “Rul hna, Pathian thinhunnak a ra liomi chung cun nan luat kho lai tiah a ho nih dah an chim hna. Nan sualnak nan i ngaihchih nak cu nan theitlai in langhter ngat u! Nan sualnak nan i ngaichih cang ti hngalhnak ah kei nihcun ti in tipilnak kan pek hna; Sihmanhsehlaw kan hnu in a ra lai ding pa nih cun Thiangthlarau le mei in tipilnak an pek hna lai” tiah a chimh hna. (Mt 3:7-11)
Cu tikah Jesuh cu tipil in awkah Galilee ram, Jordan tiva pawng i Johan sinah a ra ve. Johan zong nihcun “Keimah pei nangmah nih tipil pek awk ka si cu, ka sin i nangmah leh tu na rat” tiah a rak ti. (Mt 3:12-17). Tipilnak a in dih cangka Jesuh cu ti chung cun a chuak. Van kha aa hung i Pathian Thlarau cu Ṭhuro bantukin a rung zuang i a cung i aa fut kha a hmuh. Cun, Vancung in aw pakhat a rung thang i, “Amah hi ka dawtmi ka Fapa a si, Amah cung ahhin ka lung a tling” tiah a ti.
Hi bantukin tipil a in hnu ah Khrih cu a Khamhnak thawngáąha kha mi tampi hmai ah a thawk colh. Kannih Khrihfa vialte zong nih Thiangthlarau he hmunkhat in vawlei cung ramkip ah kal in Evangelic thawngáąha phuan awk áąuanvo kan cohlan ni, tipil kan innak ni sunglawi kha kan i theiháąhan a hau ve.