Vatican Council II cu Catholic Bupi a khualtlawnnak ah lam hmuhsaktu Arfi asi rih
Vatican Council Pahnihnak le cu Council chung ah ceikhaanmi hn kong cauk he pehtlai in, Vatican Council II cawnpiaknak cu Catholic Bupi khualtlawnnak ah lamhruaitu arfi a si rih ko tiah Pope Leo 14 nih a ti. langhter. “Nihin tiang Catholic Bupi khualtlawnnak ah lamhruaitu arfi a si rihmi “Vatican Council pahnihnak cu “Magisterium (Bupi lubik le a sangbik nawlngeitu i cawnpiaknak) a si,” tiah January 7 ah Vatican ah tuahmi Pathian bia cawnnak a thar in a thawk lio ah a chim. Cu Pathian bia cawnpiaknak cu Vatican Council II nih a chuahmi Cauk hrambunh in cawnpiak asinak kong le cu cauk hna rel ṭhan awk a sinak kong, Jubilee Kum ah Jesuh nunnak biathuk kong kha lungthin ah caamter ding in forhfialnak a tuah. Jubilee puai nih Bupi i aa dawhnak le a biapitnak hmuh ṭhannak le hngalh ṭhannak caanṭha sunglawi asi ter”.
Pope Saint John Paul II nih Jubilee 2000 a donghnak ah a rak chimmi bia kha a langhter i, “Kum zabu kulnak ah Bupi cungah Pathian nih a pekmi zangfahnak nganpi a simi Vatican Council II kha langhter awkah a hlan nakin rian ka ngei deuh tiah ka ruah,” tiah a ti. Pope Leo nih a chimmi cu, 2025 ah Nicaea Council 1700 kum tlinnak he pehtlai in, Bupi nih Vatican Council II kum 60 tlinnak kha a ruahṭhan, a philh lo. Vatican Council II rak tuahnak cu kum 60 lawng asi i a rau tuk rih lo tiah kan ruah men lai, sihmanhsehlaw cu lio i Bishop hna le Bible lei mifim thiamsang hna cu tuchan ah, kan sinah an um ti lo ti cu a hmaan ko tiah a ti.
Cucaah Pathian i a kan auh, a kan kawhnak kan theih lio ah tlauter lo ding asi. A ceunak in a kan hruai lio ah a duhnak tuah khawhnak ding ah lam kan kawl a hau. Cu lam hruainak hna cu Vatican Council II cauk hna rel ṭhannak le kan relmi kha ruahṭhannak thawng in asi lai. Pope Benedict XVI nih 2005 lio ah a rak chimmi bia kha cherhchan in “kum tampi a liam thluahmah ko hmanhsehlaw, Conciliar Cauk(Vatican Council II) hna nih a caan hman ning pakhat hmanh an thlau lo, an chimmi a hmaan dih. A ngaingai ti ahcun, an cawnpiaknak hna cu Bupi dirhmun thar le atu lio vawleicung minung hna he aa pehtlaimi a si tiah Pope nih ati. Pope Saint John XXIII nih October 11, 1962 ah Vatican Council II a on tikah, Bupi caah ceunak ni a chuah ni a si tiah a chim chap. Ramkip i a ummi siangbawi hna i an rianṭuannak nih Bupi caah lamthar a hunpiak ” tiah ati.