Ss. Basil the Great & Gregory Nazianzen

(379,390)

Audio (aw) zong in ngai khawh a si. 👇👇

Nichuahlei (Orthodox) Zateik hna Bishop a simi Basil the Great cu Turkey ram Sisairia khua ah AD 330 kum ah a chuak. Amah cu St. Gregory Nazianzen he hmunkhat in Athens khua ah nuam tein ca an rak cawngṭi. Annih pahnih cu a dikmi Khrihfa sinak kha aa uangthlar mi an si bantukin Biakinn le Sianginn lawngah an caan an hman. Kum tlawmpal namchih in ca an cawn hnu ah St. Basil cu biatak i zuam dingin thetse ram ah a kal i a rauh hlan ah zultu tampi a rak ngei. AD 370 kum ah Sisairia Bishop sinak an pe ki Pathian rianṭuantu hna zawmhtaih bia kha a rak doh. Rawlṭam tihal in a um lioah anih cu a tai i rek in rawlṭam tihal mi hna kha ei awk rawl a rak phawtzamh hna. Amah i a har ngaimi a cauk hna le phungchimnak hna thawngin ‘The Great’ timi degree-min pek a rak si. Mirum hna kha ‘a tleu mi nan kutdonghrolh pakhatte nih leiba a cham kho lomi hna kha thong chungin a latter khawh hna’ tiah a rak ti hna. A har ngaimi rianhrang hna le biatak i zuamnak ruangah thazaang a der ngaimi St. Basil cu AD 379 kum ah a rak thi.

Constantinople (Atu Istanbul) Bishop a simi St. Gregory cu Turkey ram Nazianzen khua ah AD 379 kum ah a chuak. A pa cu Nazianzen Bishop kum 45 chung a rak ṭuan. A hawi St. Basil kha i zohchunhnak in Zateik Siangbawi nunnak i tlaih ding kha a lam a rak awng. Ca chimh rian kha a rak hlawt. St. Gregory cu Arian mi hna zumhnak khuhchilhnak kha kum 40 tiang a rak ingmi Constantinople Bishop sinak kha AD 375 ah an rak thim. St. Gregory cu Bishop rianṭuan thawk dingin cu khua ah a rak phak tikah a cal konghnak le sifak ngaiin aa hruk-aihnak ruangah mi tampi nih ṭha tein an rak dong lo. Asinain Thumkomh Pathian kong phung a chimnak thawngin a hnu ahcun mi tampi upat hmaizahnak a tong i ‘Bible thiamsang’ timi degree min an rak pek. St. Gregory cu AD 390 kum ah a thi i, a ruak cu Rome khua St. Peter Biakinn ah atu tiang a it rih ko.