Myanmar Archbishop Marco

Myanmar Archbishop nih Choir phu pawl sinah: ‘Hmuhsaknak Siloin, Pathian Biaknak Tuah’ a ti

Hlasak phu rianṭuannak lawmhnak special jubilee Mass ah, Mandalay Archbishop nih fiang tein theihternak a tuah: hlasak phu rian cu thlacamnak tuah a si, hlasaknak tuah a silo a ti.

Mandalay Archdiocese i Archbishop Marco Tin Win nih December 7, Zarhpini ah St. Michael Biakinnpi Tanwin ah hlasaknak phu pawl caah Jubilee Anniversary Mass a hruai hna. A phungchimnak ah, biaknak lei awzai i athiang tinhmi (sacred purpose of liturgical music) kha a langhter.

“Zeicahdah hlasak phu kan ngeih?” tiah aa pummi kha a hal hna. “Pakhatnak ah, lemcang a silo. Pathian biaknak tuahser a si” a ti. Minung aw cu thangṭhatnak caah abiapi bikmi thilri a si tiah a chim i a ai ah record tuahmi hla hman lo dingin ralrin a pek, “cucu biaknak tiah auh khawh a silo” tiah fiang tein a chim.

A hman khawhmi remhṭhannak tuah dingin a forh hna, ringawn thilri hna nih Khrihfabu kha teinak hmuh awk a silo i hlasak phu pawl cu mipi he i zuam loin anmah he i rem seh tiah a hal hna. “Pathian kan biakmi a si, stage show kan tuahmi a silo,” tiah a chim.

Puai tuahnak nih Khrihfabu ringawn ministries le a man kha meialh a hmuhsak. Mr Freddie Myint Zaw nih hlasak phu cu “Khrihfabu i nunnak thisen” tiah a ti hna, thil sining nih a onh tikah khuate lei parish hna ah fimcawnnak program kauhter ding timhtuahnak a ngeihmi kha a langhter.

Sihmanhsehlaw, i pehtlaihnak kongah lungretheihnak zong an chim. Fr. Augustine Tin Maung Htun nih i telnak a zormi cu “Khrihfabu caah ṭih a nung” tiah ralrinnak a pek hna i aa pummi hna kha “hla nan sak tikah voihnih thla nan cam a si” tiah a theihter hna.

St. John’s Parish in hlasaknak (choir) phu hruaitu Sr. Theresa nih cawnpiaknak le mino rangrut sinak (လူသစ်စုဆောင်းမှု) ṭhadeuh a herhnak kong a chim. “Mino pawl kha ‘nihin biaknak hlasak phu ah i tel ve ka duh’ tiah an ruah khawhnak hnga kan bawmh hna awk a si,” tiah a ti.

Missa dih hnuah, Archbishop Tin Win nih thazaang peknak caah hlasak phu hruaitu hna he pumpak in tonnak an ngei. Mah puai cu aa pumpemi hlasakthiam hna caah lawmhnak bia le an riantuannak: zumtu hna thlacamnak hruai, a khuh lo dingin hmunkhat ah auhnak pahnih a si.