St. John Damascene, (Priest and Doctor)(675-749)

Audio (aw) zong in ngai khawh a si. 👇👇

Bupi chungah a hnu deuh Greek miphun, Bible Thiamsang St. John Damascene cu AD 675 kum, Syria ram Damascus khua ah a chuak. John cu Siangbawi cannak a rak hmuhnak Jerusalem pawng, Marsaba i Zateik Sianginn a luh hlan ah Muslim ralkap chungah tangka lei vuanci a rak ṭuan. A thluak a fim tuk mi a si bantukin a caan chungah cauk tampi le hla tampi a phan i a ṭial. Voikhat cu mithi inn pakhat ah ngaih nuammi le a thlum ngaimi aw in hla pakhat a tumpiak hna caah a nawl ngeihnak kha caan karlak an dinhter i, cu kong he pehtlai in a Saya hlun nih a thang a rak chiat. Ngaknu thiang Mary nih John i a bawipa sinah langhnak in John a duh mi hla phannak nawl pe uh tiah a chimh. Cuticun ngaknuthiang Mary nih John kha a rak khamh. Milem biaknak kongah bia-alnnak a chuah hnu ah John cu milem upat peknak a domi Siangpahrang Leo III nih nawl a chuah mi ca kha a al i a doh. St. John Damascene cu AD 749 kum ah a thi.