Chungkhar Kong
Nu hna cu Pa pawl he aatluk, areng aakhat timi Chimphung hna
Khrihfa Bible lei thiamsang Mondine nih,chimcawk lo man ngeihnak le zungzal tung leiah kaar ahlan lio mi miphun hna kuzale asi mi mi pakhat cio cu biapi upatnak, biapi in ralrinnak, biapi in dawt deuhnak he aatlak mi an si. Mah pumpak siseh, midang zong siseh upatawk hrimhrim aherhnak kong, zeicah tiah kannih vialte cu miphun biaknak, kumlek khua, mipa, minu, nunphung, ngandamnak thleidannak umlo kan i khat dih, man kan ngei dih, tiah a rak chim.
Chiara lubit nih,
Kannih caah pakhatnak dot minung timi aum lo. A dot niamsang, a cuar muici (arang, anak) thleidannak zong aum lo. Khoika hmun paoh asi ah minung vialte hi pumkhat kan si dih.
Pope Pius VII zong nih pa pawl ban pawl tlukin nu hna zong a dot an `umchuk lo tiah arak chim. Amah nih a chim nakah Pathian fale asimi mipa le minu hna cu annih pumpak he pehtlaimi limhang ruangah an i khat.
A ruang cu annih cu Pathian he zungzal an i komh in vancung nunnuamhnak co dingah aa khat mi a hnubik kawltung an i ruahchanhnak ah pehtlainak an ngeih caah asi.
Pope John Paul- II nih Pathian Mary thawng in nu pawl huham a sannak a tahchunh mi cu, “Biana ah Bawinu Mary cu nu vialte lakah thluachuak bik nu asiah cun nu vialte zong hi thluachuahnu an si dih” tiah a chim. A peh rihmi cu, pa hna nih keimah timi le ruamkainak ruang i atule tu a chuakmi nu hna thuh phenhnak kha ralchanh in doh piak ding `uanvo a ngei tiah a chim.
Hlan chan he tahchunh ah cun tuchan nu pawl nawlngeihnak cu tampi in a`han choc ang ko nain Valeicung i hmun cheukhat han ahcun nu pawl nawl ngeihnak a sung peng rih. Nuhna zuarnak, sersatnak,miaknak (sipuazi) caah hmannak hna kha a tu le tu kan theih. Cuthil sining hna caah Catholic Bupi nih cun angaihchiatnak kong Vatican -II pumhnak nih a chimmi cu, Miinung ahran nawlngeihnak kha Vawleicung tah ning in upatlo,an zulh rih lo mi kha kan ngaih achia tuk. Tahchunhnak ah nu pawl nawlngeihnak le zalonnak asimi `hitvat dingmi thimnak nawl an ngeihlonak, fimthiam cawnnak nawl, mivialte he pehtlaimi nawlngeihnak hna kha an fehter lo mi hna an si tiah ati.