St. Elizabeth of Hungary, (1207-1231)

Hungary ram zohkhenh kilvengtu Mithiang Elizabeth cu 1207 kum, Pressbury khua ah a chuak. Amah cu Andrew Siangpahrang pahnih nak fanu a si. A no lio tein Thuringia khua mi Luis he tthit-umhnak an tuah i fa pathum an ngei. Duhnung mi a umtuning le a lungthin thianhlimnak nih a va pa kha a lemsoi khawh ngai. A vapa nihcun khual in a rak tlun fate laksawng pakhatkhat a rak phawrh peng bantukin ‘nangmah hlawt nak cun tlang bantukin aa pongmi le sui le ngun hna tu ka hlawt deuh lai’ tiah a ti ttheo tawn. A hnu kum tlawmpal ah a va Luis cu Crusade ral tuk dingin a kal lioah Palik zawtnak nih a tlunh i a thi.

A ruak kha Germany ram ah an rak phorh tikah Elizabeth cu a ttap ai pah in “Vawleipi le a nuamhnak vialte cu ka caah an thi dih cang” tiah a chim. A rauh hlan ah Franciscan pathumnak zulhnak phu ah a lut i ‘zeitik hmanh ah va ka ngei ti lai lo’ tiah bia aa khiah. A nunnak a hnubik kum hna kha amah a rak sakmi Marbury siizung i sifak tampi hna kha ttha tein zohkhenh bawmhchanhnak in a caan a dither. Elizabeth cu 1231 kum, amah kum 24 a si ah a thi. Amah thlarau lei Siangbawi nih, “Amah cu mi sifak hna caah dikcak ngaiin a ttuan bu hmanh nih amah nak in dai tein thla a cammi nu kha ka hmu bal lo” tiah dirkamh in a rak chim.