St. Albert the Great, Bishop & Doctor

Audio (aw) zong in ngai khawh a si. 👇👇

Science lei thiamsang hna zohkhenhtu St. Albert cu 1206 kum ah Germany ram, Lauigen khua i upat awktlak chungkhar in a chuak. Dominican Zateik phu ah a lut i Kolawkni le Paris khua hna ah ca a rak chimh hna. Khrihfa cawnpiaknak le Christotle cawnpiaknak phung (upadi) hna i tlak-remh tthan dingin aa zuam i teinak a rak hmu. A siangngakchia hmasa cem hna chungah Thomas Aquinas zong pakhat a si ve. St. Thomas cu, “Minung ruahdamhnak cu Pathian biathlam kha a do kho lo” timi a Saya Albert sinin fimnak aa lak. Albert cu hmailei chan he pehtlai mi Science fimnak le tuchan he pehtlai mi science thiamnak pahnih ningin fimthiamnak a ngei tuk mi a si caah “Mi vialte he pehtlai mi fimthiam Saya-Universal Doctor” tiah mi nih theih mi a si. Amah phu uktu le Rotisbon khua i Bishop sinak in rian a ttuan i cattial le fimnak cawnpiaknak in a thih lai caan kha a liamter. Albert cu 1280 kum, Cologne khua ah a thi.