Innchungkhar kong
Chungkhar kong kha Saduhthahnak in Serkhawh asilo.
Nunnak cheuh ding le asungh pek ding (pekchanh ding) tu cu lungawtom in an um tawn. Hnulei an iton tawn. Dawtnak he kuttongh an ihlat tawn. Dawtnak le chungkhat ngei hna nunnak cu Vawlei le van bantuk arak i thleidan kha an theih tikah saduhthahnak in chungkhar arak sermi hna cu fawite in an i`hen in an rawhtthan zau kha kan hmuh hna.
Dawtnak le Chungkhar kong cutthen khawh (hlat khawh) asilo. Biatakte dawtnak taktak in duh hnu lawngah pakhat le pakhat cungah caansau pekchanh khawh asi lai i ngaithiam khawh asi lai. Mah nunnak kha cheuh khawh asi lai. Chungkhar kong `uanvo zong pakhat le pakhat an i cheuh khawh lai.
Saduhthah in chungkhar a sermi hna nih teinak an hmu bal lai lo. Kut tongh taktak nunnak in hram bunh lawng ah chungkhar serawk asi.
A sunghpek fahnak ing, mah duhnak hlawt awk attihmi hna cu duhdawtnak attihmi hna an si. zeicah kan ti ah cun a duh taktak ahcun pumpek in aa pekchanh taktak lai caah asi.
Anuammi teinak a hmu mi chungkhar si na duh asi ahcun pekchanh le pumpak khawh na zuam lai.
Chungkhar kong cu tthitcia mi thilpuan asilo. Teima in a tthit hnu a hruk ding mi puanthan pakhat asi.
Chungkhar kong cu um colhnak cah an saklin ciami inn pakha asilo. Inn pakhat a chuahnak dingah i zuam in an sak dingmi thilri pon asi.
Chungkhar nunnak ah Lunglawmhnak le ngaihchiatnak an um `i Zungzal.
Lunglawmhnak lawng kha na duh i ngaihchiatnak kha nattih si ahcun hninsi Pangpar dawhnak lawngkha na var i hninsipar hling hna kha attih mi he naa lo lai. Rose par dawhnak kha na tlaihchanh ahcun a hling zong kha na hmaitonh ngam awk asi. Pangpar phahmi lam cungah zungzal i lamh a duhtu hna, a nuam zungzalmi nunnak lawng kha aa ruahchanh mi hna caah Chungkhar nunnak lamthluan ah harsatna he anton caaah ngaihchiat lungrawhnak a cuak kho.
Chungkhar nunnak lamthluan ah thilizil te he ton thiam asi bantukin afakmi thlichia a hran ni he zong i pah asi vet awn.
Teinak lunglawmh mirhnak he ton thiam asi bantukin, ngaichiat sunghnak mithli he zong i pah asi vet awn. Dawtmi caah, fale caah,innchungkhar dilak caah ngaihchiat sunghzatlaknak he i pah sual asi tawn. Hmaitonh i pah dingah timhcia in um awk asi.
Attha bik thil lawng aa ruahchan mi hna cu teinak ahmu mi chungkhar kong ser khawh nak caah harnak tampi a um lai. zeicah kan tiah cun chungkhar nunnak cu zungzal in a ding khawh lo caah asi.
Sihhmanhsehlaw a dikmi duhdawtnak in nu le va hna cu pakhat le pakhat zaangfah zawnruahnak tein an i dawt si ahcun chungkhar kong i harsatnak vialte kha an lonh khawh hrimhrim lai.