Daihnak cu a thiangmi a si, raldohnak si lo
Sant’Egidio Community nih an tawlrelmi Daihnak caah Ramkip Tonnak, biaknak le nunphung biaruahnak ah, Pope Leo XIV le vawleicung biaknak hruaitu hna cu Rome’s Colosseum ah Nithumni zanlei ah Daihnak caah Thlacamnak Tonnak an tuah. Kumkhat voikhat tuah tawnmi remdaihnak ca thlacamnak ah Pope Leo nih raldohnak donghter ding le remdaihnak le thlacamnak caah biakamnak thar tuah ding in a sawm hna. Khrihfa, Judah, Muslim, Buddhist, Hindu le a dang biaknak palai hna hmai ah a chimmi bia ah, Pope nih miphun vialte karlak ah remdaihnak, biaruahnak le unau sinak caah Catholic Bupi i a rian le kawh asinak kha a thar in a chim. “Kan biaknak phunglam aa dangmi ningin daihnak caah thla kan cam, cun atu cu remdaihnak thawngthanhnak caah hmunkhat ah kan i pum. Buainak cu nunnak hmunkip ah a um ko nain raldohnak cu kan tonmi harnak hna tlangtlak tawlrelnak le a phi kawlnak caah bawmtu a si lo. Daihnak cu remdaihnak sernak caah lam ṭha asi zungzal a si,” tiah Pope Leo XIV a chim.“
Daihnak tihal in a halmi” vawlei
Raltuknak le hmun dang i ṭhialnak nih a hrawhmi vawlei ah lungrualnak a herh tukmi kong “nawlngeihnak ningcang loin hmannak, ṭhawnnak langhternak le upadi uknak zeirel lonak, hna cung ah a mawhchiat hna i “a hmaanmi le a fekmi remdaihnak chanthar taktak ṭuanchuah ding in sawmnak a tuah.“Ral cu a za cang, thihnak, rawhralnak le ramdang tiang i ṭhawl i dawinak in a chuahtermi fahnak vialte hna nih, nihin ah hika ah kan i pum i, daihnak caah kan duhnak fek lawng si loin thlacamnak cu remdaihnak caah thazaang ṭhawng a si ti kan zumhnak zong kan langhter,” taih a chim chih.
“Biaknak kha ningcang loin hman lo awkah ralrin a pek hna i “thlacamnak tel loin biaknak a zulmi hna nih biaknak kha ningcang loin an hman khawh, lainawnnak tiang hmanh an phan kho” tiah a ti. A hmaanmi thlacamnak cu “lungthin innka a hun/ a on i cawlcangh karhlannak nih “tuanbia a thlen, biaknak hmun pawl kha “tonnak thlam ah aser i, remdaihnak hmunthiang le daihnak hmun” ah a thlen hna.Pope Leo nih “Assisi thlarau” nih zumtu hna karlak ah biaruahnak le hawikomhnak a chuahter peng tiah a chim. Chanthar minung hna sinah hlanlio thlarau lei lungput le ruahnak rothil tampi pekchanh” dingin a forh hna.