BUPI NUNNAK CHUNG CATHIANG

Pathian Bia a ṭhawnnak hmual hi mah bantuk a si caah Bupi a dirhtu le a ṭhawnnak, Bupi fale hna caah zumhnak thazaang, thlarau rawl le nunnak caah a thiangmi le a hmun zungzal mi tiput a si. Cu caah Cathiang kha Khrihfa mi vialte nih ngeih dih, rel dih cio cawk a si.

Cu a si caah Bible relnak cu Theology cawnnak i a nunnak a si a hau. Pathian bia phuannak rian hi phungchimnak, Pathian bia cawnnak le Khrihfa cawnpiaknak vialte le Biakinn chung phungchimnak ah nunnak rawl in ruah zungzal awk a si i Ca Thiangbia thawngin thiannak ah i zuam awk a si.

Cu a si caah Bupi nih Khrihfa zumtu vialte hna kha Ca Thiang rel lengmangnak in a sungbikmi Jesuh Khrih hngalhnak kha a cawn awk ah biatak tein a fawrh hna. “Cathiang hngalhlonak cu Khrihfa hngalhlonak a si” (Phil 3:8, St. Jerome).