Zarhpi 28 nak (Kum C)

October 12, 2025

📖2Siangpahrang 5:14-17; 2Tim 2:8-13; Luke 17:11-19

Biakinn hmete ah a tlawngmi phungchimtu pakhat nih lunglawmhnak kong he pehtlai in minit 30 chung phungchim a tuah. Phungchimnak a donghnak ah hitin a ti: “Cun laksawng cu zeitluk in hmet hmanh sehlaw Bawipa cungah i lawm zungzal ko ti kha philh hlah.”

Ahnu, pekchanhnak caan a phak tikah, hruaitu pakhat nih phungchimtu i lukhuh kha a lak i ahlu khawngnak ah a hman. Lukhuh cu a sinah a rak kir tikah, phungchimtu nih ralring tein a hninh nain aw pakhat hmanh a thei lo. Cuhnuah a lu lei in a vun mer nain zeihmanh a chuak lo. A lawng!

Mah kha an hmuh tikah, phungchimtu nih a chimmi kha a tuah lai maw ti kha Khrihfabu chung i mitkip nih an zoh. Cu tikah, phungchimtu nih cun vanlei ah a kut a hler, a lawngmi lukhuh kha a tlaih peng i: “Bawipa, ka lukhuh ka hmuh ṭhan caah kan i lawm!” tiah a ti.

Thawngṭha bia le a dang kan relmi bible hna nih lawmhnak silole lawmhnak chimnak kong ah cawnpiaknak a kan pek. Lunglawmhnak cu a chuakmi ziaza ṭha a si. Cucu zaangfahnak langhternak ah aṭha bikmi a si. Ha na chuah bantukin lawmhnak na chuah kho lai lo. Cucaah kan lungthin a thawh bantukin amah tein a chuakmi a si awk a si.

Jesuh nih thinghmui zawtnak a ngeimi pahra a damter hna i pakua cu Judah mi an si i pahranak cu Samaria mi a si tiah thawngṭha chungin kan theih. Hika ah hngalh a nuammi cu Judah mi hna cu Samaria mi hna he an i cawhtawn lo nain, sifahnak nih hawikomhnak a duhtuk caah hi thinghmui zawtnak a ngeimi phu ahhin Judah mi he Samaria mi pakhat an i tel. Cu pahra chungah kan theih bangin khual a simi pakhat lawng a rak kir i Jesuh sinah lawmhnak bia a rak chim. Damnak a hmumi zatuak pahra lawng nih lunglawmhnak an langhter. Bawi Jesuh cu zeitluk in dah a thin a hun hnga!

A tlangpi in, Judah mi thinghmui zawtnak a ngeimi pakhat a dam tikah, a thiang cang i mipi he i cawh khawh a si cang ti fehternak caah khuachung tlangbawi sinah a kal a hau. Samaria mipa caah cun tam deuh an hal. A tam deuh cu Gerizim Tlang pawng i amah tlangbawi sinah a kal a hau lai. Jesuh i a halmi nih hin khualtlawnnak aa tel caah nawlngaihnak ngan deuh a herh. Samaria mipa cungah halnak a tam deuh lio ah, a hmuhmi damnak laksawng caah lawmhnak a langhtermi cu amah lawnglawng a si.

Minung nih ngaihchiatnak le phunzainak cu a siko nain lawmhnak chim cu a sunglawi mi a si i tuah a si bal lo. Tlangbawi pakhat nih, a phungchimnak ah, mipi kha Vailamtah kha zoh hna u law caan vialte caah a tawibik le a ṭhabik thlacamnak kan hmuh khawh lai tiah a ti hna. Vailamtah bantukin zei cafang dah na hmuh, ‘T’ cafang, a si lo maw? Cun Khrih Pum bantukin zei cafang dah na hmuh, ‘Y’ cafang, a si lo maw? Cafang pahnih kan fonh ahcun, TY kan ngei kho i cucu kannih Filipino (biafang tawiter a duhmi) caah cun Thank You tinak a si i cucu caan vialte caah a tawibik le a ṭhabik thlacamnak a si. Vailamtahnak kan zoh tik paoh ah “Ka lawm” tiah ti law thlacamnak vialte lakah aṭha bikmi thlacamnak na chim cang.

Fr. Gerry Orbos, SVD nih a chimmi hi ka duh ngai. Saram le sermi thil hmanh nih Pathian sinah lawmhnak bia an chim. Tahchunhnak ah, ar bantukin, zing fatin thangṭhatnak he “Bawipa, sa-la-mat!- hello” tiah an ti i an don hna. Acacia thingkung nih thlacamnak in a hnah a thleh i zanlei a hung phan i rungrul hmanh nih Pathian sinah lawmhnak bia chim awk le vawlei hnamh awkah an ṭum. Caw le Naa pawl cu zaan an i hngilh hlanah an khuk an i bil. A si, saram le sermi thil hna cu Pathian cungah an i lawm nain zeicahdah nangmah le keimah nih kan tuah khawh lo, kan tuah zongah a tlawmpal lawng a si hnga?

Cucaah zeizong vialte ah i lawm hna u sih. Pakhatnak ah kan nu le kan pa cung ah i lawm hna u sih. Zeicatiah zeizong vialte caah kan nulepa cungah kan i hngatchanmi kum hna a um caah a si. Cun kanmah tein kan dir khawh ahcun, a hleiin an tar tikah kan zoh sawhsawh hna. Tar nulepa nih mi a kan buaiter ni a phan i cheukhat nih kan nulepa sinin kan batmi leiba cham kan duh lo caan zong a phan tawn. An tar hnu ah an nu le an pa dawt a thiam lomi hna nih an fale sinin cu bantuk harnak cu an tuar ve lai. Phungchimtu cauk zong nih hitin ralrin a kan pek: “A pa a hlawmi cu Pathian thangchiattu nakin aṭha deuh lo i a nu a thin a huntermi cu Bawipa chiatserh a si,” (3:16).

Pahnihnak ah, kan minung hawi cungah lawmhnak ngei hna usih. An cungah leiba tampi kan ngeih ve caah a si. Hawikom pakhatkhat asiloah ahohmanh nih kan caah thil pakhatkhat an tuah tikah kan lehrulh khawh lomi thil pakhatkhat a um tawn nain ngaihchiatnak cu chamṭhan ding hmanh kan i zuam tawn lo.

Pathumnak ah, Pathian cungah i lawm hna u sih. Zeicahtiah Amah sinah thla kan cam i a ṭhami le a chiami lehnak a si zongah kan caah aa tlakmi a kan pek caah a si. Caw le Naa muisam in si loin Amah muisam le amah bangin a kan ser caah Pathan cu kan lawmh; nifatin kan herhmi a kan pek; A fapa ngeihchunte a kan pek; Eucharist (Bawipa Thisa), Penance (Ngaihchihnak) le a dang sacrament hna caah; kan umnak hmun caah; a kan fonhtu dawtnak, chawva, rian le thilnung dang; kan i lawmhnak le harnak ni hna le a dang tampi caah Pathian kha lawmh hna u sih. A petu, kan Pathian cungah lawmhnak kan chim hlan tiang laksawng pakhat hmanh kanmahta a si lo timi ruahnak a um. Cun kan lawmhnak cu lungtak tein a si a hau. Caan tam deuh cu rawl ei hlanah velngeihnak bia chim hmanh in Pathian sinah lawmhnak chim kan philh tawn. Cucaah a cungah lawmhnak bia kan chim khawhmi cu a ṭhatnak le a velngeihnak kha tlawmpal in phu deuh in i zuam hi a si.

Dawtmi ulenau hna, Nihin kan relmi bible nih zeicahdah thlacamnak cheukhat cu leh an si lo timi aphi a kan pek. Ser kan si thok in thluachuah tampi a kan pek caah Pathian cungah lawmhnak kan langhter tikah kan dam ti kha an kan cawnpiak.