Zeiruang ah Satan nih innchungkhar hi a doh hmasat tawn?
Satan nih vawlei he hrawh a duh tik ah khua bawi le ram uk tu hna si loin innchungkhar hi a doh hmasat lengmang. Zei ruang ah ti ahcun, innchungkhar cu Pathian nih sunglawi tukin a ser hmasatmi a kutneh asi. Bupi ca le mibu caah a tungphur pi a si fawn. Hngakchia hna nih thlacam an cawn an theih hmasat bik nak, dawtnak an hngalh hmasatnak le zungzal nunnak an nunpi hmasatnak a si. Satan nih mah biatak hi a theih caah a tha vialte chuah in innchungkhar hrawh hi ai zuam a si.
(1). Pathian kutzung asi mi minung
A hram thawk in Pathian nih innchungkhar cu a ser i thluachuah a pek. “Pathian nih thlachuah a pek hna i tefa tampi ngei u law,… vawlei cu tei in uk u. (Gen 1:28) Ṭhitumhnak hi miming nih thawkmi a si lo. Pathian tuah mi a si. Innchungkhar hrawh cu minung caah Pathian nih a tuah mi ralchanh tu a si. St. John Chrysostom nih, “nu le va dawtnak cu mibu zohkhenhnak ah a thahri a si,” a ti.
(2). Bupi caah Innchungkhar
Bupi cawnpiaknak nih inchungkhar cu chungkhar Pathian Bu a ti. Zei caah tiah hngakchia hna nih Vancung ram um kan Pa thlacamnak cam pah in ngaihthiamnak a thawtnam an hngalh hmasatnak asi i, zumhnak zong a hram ai bunh hmasatnak asi. Deut 6:7 ah nu le pa nih fa le hna umtu ziaza le nuncan ziaza chimh ding a ti. Innchung khar hmai a nawr deuh paoh ah khua le ram zong hmai a nawr deuh ve i vawlei zong a ṭhangcho ve tiah Mithiang John Paul II nih a ti.
(3). Ṭhekzamhnak cu Satan tlaihmi hriamnaam asi.
Satan nih nu le va kar, u le nau kar, nu le pa kar ah ṭhennak um ding in thlaici a vorh tawn. Pumpek nun a herh caan ah mah le mah zawnruahnak thlaici a tuh. “An ruahnak kha a hngalh i an nih cu a cheu, aa cheu i anmah le anmah aa do mi pennak paohpaoh cu rawhnak a phan ko, cun aa cheu i anmah le anmah aa do mi innchungkhar cu an tlu ko.” Lk 11:17. “Satan cu ṭhennak chuah aa zuam i Pathian cu komhnak aa zuam,” tiah St.Augustine nih a ti.
(4). Dawtnak le nunnak a doh
Ṭhitumhnak ti mi cu Pathian nih a Bupi a dawt bantukin i cawn i nunnak lam a zul ding asi. Satan nih zumhtlak lo sinak () le nau hrawhnak te hna, nau ngei kho lo ding in pumsa nuamhnak ca lawng i nu le va sinak le innchungkhar buainak hna hi minung kar ah a umnak ding ai zuam lengmang. Ṭhitumhnak cu mi vialte nih an upat awk asi i, an ihkhun zong an thianter awk asi. Sihmanhsehlaw, nu pa sualnak a tuahmi le ṭaang dang a pom mi hna cu Pathian nih bia a ceih hna lai. (Heh 13:4). Thlacam ṭi mi innchungkhar le a um ṭi mi innchungkhar hna cu Pathian nih a dawt hna bantuk in an i daw ve tiah Mithiang Teresa nih a ti.
(5). Innchungkhar nih Mithiang sinak a bawmh
A thiangmi innchungkhar nih a thiangmi hngakchia a cawisan. A kekkuai mi innchungkhar nih chan hma a pek. Innchungkhar pakhat a rawh tik ah thlarau tampi an tlau ti hi Satan nih a theih tuk. “Nu fim nih a inn kha a sah, nu hrut nih amah kut lila in a thleh dih hna.” (Prov 4:1). Kan Bawipa Pathian sin in thluachuah tampi hmuh na duh maw? Amah kha caan pe lengmang. Tlawmte hmuh na duh le amah kha caan tlawmte lawng pe. Zeihmanh na duh lo asi le caan pe duh hlah. Innchungkhar zong hi mah bantuk asi ve ko. “Thlacam tam deuh, Pathian vel tam deuh ve.” St. John Bosco.
(6). Innchungkhar cu Pathian nih a ṭih ve
Satan nih innchungkhar hi a ral bantuk in a ṭih bak ve. Pathian nih innchungkhar hmang in sualnak le thihnka tei ding in a thim. Nazareth Khrih innchungkhar; “Ngaknu pakhat a um i fapa a hrin lai i a min ah Immanuel sak asi lai.” (Is 7:4). “Minung cannak in Pathian nih a Fapa ngeihchun cu innchungkhar ah a chiah. Mah bantuk cun innchungkhar ah amah hmang in vel pek kan si.” St.Louis de Montfort. Satan nih innchungkhar a ral cu zumhnak, mibu le thiannak i a hrampi a si caah asi. Thlacamnak, Sacrament hna le a thiangmi Nazareth innchungkhar sin i pekchanhnak nih Khrihfa innchungkhar hna cu Satan ral in ven le khamh asi. Bia donghnak ah, innchungkhar kilven le zohkhenh cu Bupi kilven le zohkhenh asi.