Mithiang John Baptist De La Salle

Thursday, April 07, 2022
Dela Salle Brothers bu arak tuah tu St. John Baptist de La Salle cu kum 1651, France ram Rheims khua ah a chuak. A lungthin a thiang mi Pathian lei aa zuam ngai mi a nu le pa nih Paris Siangbawi cannak Sianginn ah an rak lut ter i 1678 kum ah cu khua ahcun Siangbawi cannak an rak pek. Cuhnu kum tlawmpal ah misifak fa hna fimcawnnak caah a nunnak pechan dingin Rims khua i biaknak lei ukchung baho (hmunpi) i a riankha a kaltak. A ngeihmi chawva thilri vialte a zuar dih i mi sifak hna caah Sianginn a sakpiak hna.
A hnu ahcun cachimhnak lei ah a lung a chuah deuh caah, Siangcachim sawhsawh saya (12) nih a hnu an zulh i an zapi phukhat in an um hnu ah ngakchia fimcawnnak lei caah an nunnak i pekchanh dingin an hna a rak tla. Annih kha Khrihfa cacawnnak Sianginn Brothers tiah an rak auh hna. Cachimhnak lei ah felfai tein ṭanṭi khawhnak ding caah a hohmenh Siangbawi cannak lak lo dingin bia an rak i khiah.
1698 kum ah England Siangpahrang James II nawl nak in miphun sang hna le mirum hna caah hmasabik Sianginn a rak sakpiak hna. Cu caan lila ah kut rianṭuan hna an fale caah zarhpi ni cawnnak Sianginn (Sunday Academy) zong a hon piak hna. St. John cu amah a nunnak lamthluan ah tukforhnak a phunphun a rak tong. Voikhat cu a lei SiangSaya hna nih Paris khua i a Sianginn kha kharpiak dingin an rak hal.
Cu hnu a rauh hlanah a bu chungtel he aa tlak lomi a bu chungtel cheukhat nih dela Salle cu Brother Siangngakchia hna kha a renghtuk hna tiah sual an puh hoi. Cu caah cu chungtel cheuhkhat hna nih cun Paris khua Bishop sin ah St. John a rian phuah dingin an chimh nain a lehkhan hna lo. A dang hruaitu pakhatkhat cohlan nakcha cun Brother hna tu buchungin chuakdeuh hna sehtiah tlerh in ralrin a pek hna.
A hnubik ah Brother hna nih Europe ram kip ah Sianginn an onh kho i Bupi min put a nganbik cachimhbu ah a rak cang. St. John Baptist delasalle cu 1719 kum, Rouen khua ah a rak thi i kum 1950 kum ah Siangcachim saya/mah hna runveng tu sinak an rak thanh.