Bartholomew

August (24) cu Mithiang St.Bartholomew Puai ni asi. Bartholomew Sullam cu Tholomi fa pa tinak asi. St Bartholomew tiah auhmi Nathanael cu Galilee ram Kanan khuapi ah achuak. Amah kong hi fiangte in theih asi lo.Philip kha Jesuh he theihhngalhnak atuah piak tu Israel mi phun asi. Jesuh a zultu hna lakah a dinfel i hlangfang bia chimmi asi caah mi tam pi nih an theih mipa asi.Phung a chim tikah Aramaik holh a hman.Hlan zulhtawn mi pupa phunglam ningin amah cu Aemenia hna kutin Pathian caah a luantan i anunnak arak pek. An thah ning cu amah kha a nunbu te in a vun an rak hawh. A vun kha asau lei ningin an can i an hawh. A lu tan in thah arak ing hlan ah a tit sa hna an kuai an keh i athisen hna a pot cucaah fahnak fakpi kha caan saupi a rak tuar.
Zultu ngan Philip nih amah kha” Nazaret khuami Khamhtu Jesuh kha ka hmuh” tiah achimhtik ah, ‘Nazaret khua chungin thilttha pakhattal a chuak kho maw? tiah a rak hal. Nazaret khua cu khuahmete asi i hlan ah zeibantuk minthannak arak ngei bal lo.
‘Jesuh nih cun Nathanael cu amah lei i arat kha ahmuh i, Israel mi tak2 asi mi khi zohhmanh u, amah khi hlenthawinak Lungthin zeihmanh angei lomi asi” (Jn 1:47) tiah ati.Hlan Cattialtu hna langhter ningin Bartholimew cu Armenia le Indiaram hna ah thawngttha arak chim bal i mitampi hna kha milem biaknak in Khrihfa ah arak thlenter hna.Amah cu Mathai bibel kha Hebrew holh in arak hmuhsak bal tiah Khrihfabu tuanbia ah roca an ciah.
Amah thilhlun kha alancia Kum (1000) lio ah Rome khua ah an rak chiah. Amah kha Mirang Vawlei ( atlaitu) Saphaw a cuartu hna sa athattu hna nih an bochan dingmi Mithiang asi. Athihni dawh in athermi zawtnak angeimi hna nih zaangfah nawl in an bochan dingmi zong asi fawn.
” In the World you shall have distress, but have confidence, I have over come the World” (Jn16:33).
( Vawlei nih hin harnak an pek hna lai, Sihmanhsehlaw, ttihhlah u, Vawlei cu ka tei cang.)