Kutzungthiam Mithiang Joseph

Saturday, May 01, 2021
Rianṭtuantuhna (workers) zohkhenhtu mithiang Joseph cu pawcawmnak rian caah kutzung thiamnak (lettama) rian a ṭtuan mi pakhat a si (Mathai; 13:55). Amah cu Nazareth khua ah khan Maria le kutzung thiamnak a rak cawnpiakmi Bawipa Jesuh he an um. Amah i zohchunh awktlak a rianṭtuannak thawngin Bawipa Jesuh cu nifa tein rianṭtuannak rumra le thathutnak ral hna kha aa chinchiah. Bible ca zong nih thathutnak he pehtlaiin “Na manh hlan lo rian kha heh tiah ṭtuan tuah” tiah a si. (33:28)
Lamkaltu Paul zongnih “Rianṭtuan a huam lomi cu rawl zong kha ei ter hna hlah u” tiah a ti ve. (2Tesalon 3:10) Mikip nihhin amah ca le a inn chungkhar zohkhenhnak, bawmhchanhnak caah Pathian nih a sermi rian chungah i bawmh in ṭtuan ve dingah rian kan ṭtuan cio awk a si. Thluachuah le a thiangmi i a hram si awk caah mithiang Benedict i a motto a simi “Thlacam law rian kha ṭtuan” a ti bantukin kan rian ṭtuanmi paoh kha Pathian sinah kan pekchanh hmasa awk a si. Kum 1955 kum ah Pope Pius (12) nih “St. Joseph the worker” puai ni kha “Rianṭtuantu hna ni” he a khat dingin hram a rak thawkmi a si. Rianṭtuantu hna ni cu 1889 kum ah rianṭtuantu hna i a hrampi covo hna kha hnatlak piaknak caah a hram an rak thawkmi a si.