ST.MARTIN De Porres (1579-1636)

Tuesday, November 03, 2020

         Zatlang pehtlaihnak phung ningcangnak bawi, mithiang St. Martin de Porres cu 1579 kum, Peru ram Lima khua ah a chuak. Spain miphun miṭhapa, a pa nih a taksa a nak caah a nu he a hlawt hna. Kum 15 a siah Lima khua, Dominican Zateik Sianginn ah mi sawhsawh phun Brother sinak in a lut I cuka ahcun a thi tiang a um lan. Amah cu sammet rianṭuannak in siseh, thilsu rian in siseh an bu chung i a niambik rian kha ralrin te le nuamte in a rak ṭuan.

Misifak hna kha ei awkrawl le a hlupeknak ṭuanvo khinh a si bantukin anmah caah ngakṭah zohkhenhnak inn le siizung pakhat a timhtuah piak hna. Martin i a dawtnak chungah Saram zong an i tel. Chizawh le uico hna caah inn (khamhnak) a tuahpiak hna i Sianginn kulh chung i a ummi chizawh fate hna hmanh kha rawl a pek hna. A zumhnak a ngantuk ruangah zawtfahnak damter khawhnak le caankhat te chungah hmunhnih ah umkhawhnak veel a rak hmuh. Martin cu 1639 kumah a thi i a ruak cu an khuapi in an rak thlah ti a si.