ST.MATHEW, LAMKALTU (KUM ZABU PAKHAT NAK)
Sunday, September 20, 2020
Lamkaltu (zultu) le Bible ṭialtu a simi St. Methew cu Galilee peng ah a ummi Efesa khua ah a chuak i ngunkhuai khawltu zong a rak si. Rome caah ngunkhuai a kawlpiaktu a si ruangah misual, zumhtlak lomi minung tiah an rak ti. Amah cu Kapernuam khua i ngunkhuai khawlnak rian a ṭuan lioah Bawipa Jesuh nih a auh. Mathew nih hmakhatte ah a chawva vialte kaltakin Jesuh hnu a zulhcolh.
Bawipa Jesuh cu Mathew inn cabuai cungah a zau lioah khan Farasi mi cheukhat hna nih Jesuh kha miṭhalo hna, ngunkhuai khawl hna he aa kommi tiah sual an phawt. Jesuh nih a theih tikah midam caah cun siibawi an herh lo, a zawmi lawng nih siibawi an herh. Miding hna caah ka ra lo, misual hna caah ka ra tiah a rak ti hna. (Mt; 9:13).
St. Mathew a thawngtthabia cu a hmuhtonnak kha a sawhpiak ṭhanmi a si caah a dikbik le a tlingbik a si. A ṭialdan zong Jesuh chungkhar cazin in a thawk caah amah kha hleice minung tiah an porh. St. Mark kha chiandeih, St. Luka kha caw, St. John kha mupi tiah a tah chunh hna. Chim tonmi bia ningin St. Mathew lawnglawng hi Judea ramah mission rian a ṭuan hnuah nichuah leiah thawngṭha a chim i cuka ahcun martyr in a thi.