John Rhys-Davies
Tuesday, June 16, 2020
Church POP English editor Jacqueline Burkepile nih Hollywood actor pakhat a simi John Rhys-Davies sinah, mithiang Patrick i aa toidor ning siseh, muicawl a cuan lio i a cawlcangh ning cungah aa lung sak ning le Khrihfa bupi zumhnak cungah a hmuh ning he pehtlai in biahalnak a tuah. John Rhys-Davies nih a timi cu: “Mah hi cu ralṭhat bak a si. Ka uar ngaingai. Mithiang Patrick cu a mak tuk. Aa toidor ning zong hi a hmaanmi toidor ning bak a si” tiah a ti. “Biaknak lei kong he pehtlai in a zumhnak a fek tuk. Zeibantuk ruamkainak hmanh a ngei lo. Pathian nih a ka chawnh ti zong aa hngalh i a nun lam thluan vialte zongah Thiang Thlarau Pathian nih a hruai i tuah ser ding vialte a rak hmuh sak.
An tlaih i sal ah an ser. An tuk an velh i a hlat ngainak hmun ramcar pakhat ah tuu run cawngtu ah an rak thlah. Duh awk zeihmah a um lo nak hmun ah an rak um ter. Cu ka hmun cu a kik tuk fawn i thi deng mang tiang hmanh in a rak um. Pathian nih a rak chawnh, Thiang Thlarau zong nih a rak chawnh. Sihmahsehlaw, a rak i tinh mi sal cannak in zeitin dah ka luat khawh lai ti hi a rak i zuam leng mangtu zong a si fawn. Sal cannak in a rak zam i a miphun hawi hna um nak hmun ah a rak kir kho ṭhan. Sihmanhsehlaw, a rak hremtu miphun hna sinah khan kal ṭhan i an lung an i thlen khawh i Pathian thawngṭha an cohlan khawh nak hnga ding caah ka kir ṭhan lai tiin khua a rak ruat leng mang. Cucu khuaruahhar minung pakhat a rak si nak kha a langhter nak cu a si.