Mithiang Mark (THAWNGṬHA  ṬIALTU, Zabu pakhatnak)

Saturday, April 25, 2020

            Thawngṭha bia pahnihnak Marka a rak ṭtialtu St. Mark cu Maria fapa, Barnabas i chungkhat unau a si. Amah cu St. Peter thawngin Khrihfa a cangmi a si. Jerusalem i a ummi a inn cu Khrihfa hna hremnak an in lioah an rak i pumhnak hmun a si (Lam; 12:12). Phungchim a voikhatnak khual a tlawn ahkhan Paul le Barnabas he an kalṭi i Asia Minor i Perake khua ah lam an i ṭhen. Kumtam nawnpi a rau nain Paul cu, cu kong he pehtlaih in Marka cungah a lung a rak tling rih lo. Cucaah vawlei cung ralpi pahnihnak ah Marku i ṭhithruai ding kha a rak duh lo. Annih cu an lung a rak i khahlo caah kaa dang veve ah an rak kal. Barnabas cu Marka kha a auh i Kaparuh tikulh tilawng in an kal. Paul le Tilah cu Suri khua lei ah an rak kal (Lam; 15:38). Cuhnuah, Marka cu ka fapa tiah a rak auhmi Peter nih chungṭuan le holhlettu rian a rak pek (1Peter; 5:13). Marka cu Rome khua ah Peter hawikom in a rak zulh i Rome ah thong an rak thlakmi Paul he an i rem ṭhan.

            Hlanphung tuanbia ningin Marka cu a thawngṭhabia kha Rome khua ah a rak ṭial tiah kan theih. Marka Thawngṭhabia cu Peter chimmi cungah hram bunh in a rak ṭialmi a si. Thawngṭhabia a ṭial hnuah Izipt ram, Alexandria khua ah a kal i thawngṭha a chim hnuah bupi a rak dirh. Cuhnuah a Bawi Jesuh Khrih le zumhnak ruangah an rak tlaih i,  lungtum hna cungah fakpiin an rak hnuhchih i an rak hrem. Cun thongchung a rak umlio ah Khrih kha biathlam in a rak hmuh nakin hnemhnak a rak hmuh. Bawipa Jesuh nih Marka kha a Vancungram ah a rak kalpi. Kum 900 kum ah Marka ruak kha Alexandria khua in Venice khua ah an rak phawrh hnuah amah min in Thluachuah an rak peknak Sui Biakinn ah an rak chiah.