Pathian Biakning Kan Zia ah Ser
Pathian Biakning Kan Zia ah Ser
Tuahkeel mi thil tuah lengmang hi phungṭha sawhsawh lawng a si lo. Zeicahtiah cun kan tuahkeel mi thil hna cu biatak tein kan cungah rian an ṭuan caah a si. “Order” nawlpeknak a um tikah kan nunnak ah daihnak a chuahter deuh, thil a kan titer khawh deuh i kan tuahser mi thil hna ah hmual a ngeihter deuh. A ngaite kan ti ahcun tuahkeel mi tuah lengmangnak nih thil a ti kho, a tuahkho deuh mi a kan siter ko. Thil pakhatkhat kan tuah lengmang tikah thiamnak le theihnak kan ngei hna i thilhme tete atu le atu ruahṭhan lengmangnak in a kan luaṭer. Tuahtawn lengmang mi nih thilṭha a chuahter, thinlung zong a cawi santer.
Khrihfa hna nih Pathian an rak biakning phunglam ah caan saupi an rak hmancang mi biatlang hna cu Pathian an zumhnak ah an nunnak in an rak phuanmi a si. Cu biatlang hna cu Pathian fanu fapa hna i lunglawmh biachiamnak, Khrih mo a simi Bupi nih Pathian sin “Bawipa, kan dawt ko” tiah chimmi bia bantuk hna an si. Cubantuk tuah serning biaknak phunglam hna nih thazang ṭhawnnak a kan pek i, thlarau lei nunnak lawng si loin Pathian tlanh ciami pakhat cio i vawleicung kan nunnak hrimhrim ah hin thaṭhawnak a kan pek caah a si.
Biaknak phunglam kan timi cu mi pakhat i a zeizong vialte; a taksa, thinlung, thlarau le nunnak vialte hna he aa pehtlai mi a si. Catholic Khrihfa hna nih Byzantine seminary ah anmah phunglam ningin zaanlei pumhnak an rak tuah lio ah a voikhatnak bik kaa rak i tel ve lio kha ka hun i thei ṭhan. Ka rak ṭhannak Calvanist cawnpiakning hna nih Catholic Khrihfa hna i hmanmi meikhu rimhmui , an zuk suaimi (icon), an bawhning hna, lukunnak hna, hla an sakning hna le darkhing an tumning hna cohlan khawh dingah a rak ka harhter ngai. Sihmanhsehlaw, ka hmuhmi hna nih ka thinlung le ka rauhnak hna an ka cangh ngai hna. Culio teah Tlangbawi tintan a kai liomi pakhat nih bia a ka halmi cu, “Nang, zeitindah na ruah?” tiah a ka ti. Culio i ka chimkhawh mi cu, “Atu cu zeiruangah dah Pathian nih pumsa a ka pek i midang hna he biaknak phunglam ningin Pathian cu biak awk a si ti kha ka hngalh” tiah ka rak leh.
Catholic Khrihfa hna nih Pathian thawngṭhabia hna kha a ngaih lawng ngai loin nan biakning phunglam tuahser ning hna in kan ngaih, kan teh, kan hmuh hna i kan theih hna.
SCOṬ HAHN tialmi “The Lamb’s Supper” chungin lehmi a si.
(Kan pehṭhan te lai…)