ST. CHARLES BORROMEO (1538-1584)

Monday, November 04, 2019

November 4^th

  Siangbawi a cang hnga mi Siangngakchia, Siangbawi cannak Sianginn hna zohkhenhtu mithiang Charles Borromew cu Italy ram Arona khuafate ah 1582 kumah, a chuak. Kum 22 a siah a pu a simi Pope Pius IV nak nih Cardinal le Milan khua Bishop rian a rak khinh. Council of Trent pumhnak kha a dihtiang a hruai hna hnuah meeting biachahnak vialte kha tlingtein a dihtiang ṭtuan dingin lam a rak hmuhsak hna. A uknak peng chung i Siangbawi uknak (Parish) chungah vakvaih in Pathian bia cawnpiak dingah nawl a rak chuah. Bupi ukmi Siangbawi caannak Sianginn a onh hmasabiktu a si. A holhka a aa i rianrang in a holh kho lo nain a phungchimnak cu hmual a ngei i a ṭtha ngaingai. Charles cu Bupi biaknak phunglam kha a upattuk bantukin thlacamnak hna kha zeitikhmanhah rianrang in a cam lo. Mass ka tuahlio ahhin ka thinlung a vaihvuan a timi Siangbawi pakhat kha “Missa tuah ding in a rak chuah hlan, Ankifual i thlennak khanah zeidah na tuah tak, zeitindah naa ṭtamh” tiah bia a hal ṭthan.

            Bishop pa pakhat nih kei cu zeirianhmanh ka ngei lo a ti tikah Chales nih cu Bishop he pehtlai mi ṭtuanvo hna kha a ṭtialpiak hnuah ṭtuanvo pakhat cio a donghnak ah, “nang cu rianṭtuan awk ka ngei lo tiah na chim kho lai maw?” timi soiselnak zongkha a betchih. A ṭtuanmi rian paoh ah ningcang tein a tuan caah a ṭtuanmi hna cu sawhsawh siloin rianrang in a dih khawh. 1576 -78 kum chung i a rak chuakmi Palik zawtnak lio i a ngeihmi chawva thilri hna kha a zuar i mi sifak hna kha a bawmh hna. Asinain Charles i siamremh ṭthannak hna cu hmunzakipah an cohlan cio a silo mei? Fakpiin dohnak a ing mi upadi phungbia hna chungah Siangbawi vialte khahmulmet a herhnak kong le aa tlak lomi Siangbawi hna cu ṭthawl awk an si timi zong aa tel.

            Nikhat cu thlacamnak khaanah thla a cam lioah zuarthlai Siangbawi pakhat nih meithal in a kah. Asinain kuan cu a puan kha a khen ko nain a taksa zeihmanh tonghlo in a puan cungah a tan kha khuaruah har in an hmuh. St. Charles cu 1584 kum, a kum 46 ah Arona khua ah a thi.