TINHNAK KHA THLENNAK

TINHNAK KHA THLENNAK

          Chawleh chawhrawlnak tuah in tangka a thongsang in a rummi cheukhat kha na hmuh hna lai. Amah cu tangka hmuhnak (tangka lut) aṭhat le cangka in, amah nih sican a duhmi pakhatkhat kha ṭuan hram thawhnak, chuah termi thil hna kha thleng i adang thil chuah ternak (asiloah) hmunhma thlennak tuah i rianṭuannak tiin a phunphun thlennak hna an tuah in rianṭuan an hmanh ṭheo.

          Khika hmunah teinak a hmuh hnuah punghmaan (ningkel) a rianṭuan tawnning in rianṭuan siti loin rianphun hna kha a thlen i rian phun dangdang an ṭuan ṭheo tawn. Annih cu teinak a hmumi (teitu asimi) pakhat an ra si tiang an hmanmi ningcang hna kha an hlawt an hnon (an kal tak) i rian an ṭuanmi kha na hmuh hna lai.

          Cuve bangin tinhak kawltung hna zong aa chang diahmah mi thil (Prokarem) aa thlen ruangah an thlen ve mi a si kha na hmuh lai.

          Kamkhat leiah ṭhatein an thiam rih lomi rianṭuanvo hna nih teinak a hmumi- teitu asimi  pakhat si dingah a phawrh piakmi rian le ningcang fimnak hna kha a thlen i a hrawk thiam tawn.

          Mikip hngalh tiangin minthang mi hlasak thiam pakhat asimen ko lai. Sihmanhsehlaw, thinlung nih a fialnak ruangah hlasak thaim nunning in sining langhter hmuhsaktu lemcang nunning ah aa thleng tikah uknak thar chung leiah a phanhcang caah mah ukchung ram (vawlei) ah a tharmi khuaruah tuaktannak, aa thleidanmi hmuhnak hna he a hmuh toncang lai caah hlasak thiam nunnak in teinak a hmumi-teitu asimi pakhat si dingin a bawmhchanh piakmi khuaruah tuaktannak ningcang hna kha a kaltak cang ding asi.

          Voikhat lioah, Electronic fimnak leiah a thiam i minthang ngaimi ka hawikom pakhat a rak um. Amah cu, kha fimnak kha fimnak in a rak rumtuk cang caah campain pakhat a rak dirh.

          Rianthar pakhat a dirh (ser) cang caah mah ramchung ahcun Electronic bantukin a thiam tilo. Chawlehthalnak timhlamhnak ah a hngalmi asilo caah Electronic rian a ṭuan lio bantukin teinak a hmulo pinah leiba hmanh a ngeih cang. Cutikah a rak kaltak ciami Electronic rian (fimnak) kha ṭuanṭhan hram a thawhṭhan hnu ceo ah a leiba hna cu a cham khawh.

          Atu le tu tinhnak tung i thlennak hna cu fakpiin ralring a hau. Cuti asilo ahcun nunnak (nunning) dihlakin sungh khawh mi asi.