DUHFAH TUKNAK HNA KONG

Mi pakhat cu pakhat khat kha rikhiah lo (cat lo) duhfahnak a ngeih a si ahcun cu ahcun fakpi in i dinh (ngol) duh lonak a chuak cang. Lung puam ruamkai mi, hakkau tuk mi hna cu an i din ti an ngei lo. Sifak mi le thin lungput niamter mi hna i nunnak cu hna ngamnak tling he an um zungzal. Keimah ti in i hruhchihnak kha a hmit kho rih lo mi hna cu pelpawi te an tuah palh mi rian hmanh ah an limhang a zor ṭheo. Thin lungput ṭho lo hna cu nu pa sualnak duhnak lei ah an thinlung a kal ṭum i minung fa hna i duhfahnak in luat ding an ti khawh lo caah thisa nih a hlamnak lei ah an kal tawn. Cu a si caah kei mah tiah hruhchih nak kha an ngol khawh tik caan ahcun ngaihchih in lungnuamh lonak an ngei.  Mi pakhatkhat nih a mah kha a ralchan tik zongah fawitein a thin a lung colh.

Amah duh (saduh thah) tling cang ko hmanh sehlaw, pumsa duhnak (duhtuk nak) hnu a zulh suah cang caah a thinlung ah ngaihchihnak thilrit nih a nenh. Cu pin ah lungdaihnak kha hmun khat te ah aa tluktlak tein hmu kho lo in a um ṭheo. Cu a si caah pumsa duhfahnak lei zulh lo, hloh hloh ralchanhnak lawng in lungdaih hnangamnak hmuh a si. Cu caah nupa sualnak tuah a duhtukmi siseh, ruamkai porhlawtnak a si mi thil hna aa hruhchihmi siseh, lungdaih hnangamnak an hmu lo. Pathian biatak upat pekchanhnak ah lungthin a ṭhang i a fekmi hna lawnglawng nih lungdai hnangam in an um.