Bible Rel Ningcang

Bible kan rel tik ah kan lung chungah kan chiah dingmi lungput cu a ṭial ningcang ṭhatnak kha papek lo in a hmannak theih khawhnak lawng kha biapi ah chiah a si tawn. Bible a dihlak hna kha rel tikah biatak kha hmuhsak dingah an ṭialmi tinhnak kha lung chung ah khumh i cawn rel ding a si. Bible chung bia hna duhnung mi nak in mah thlarau ca ṭhahnem a si ter dingmi biatak kha kawl ding a si. Kan nih cu a sang a thukmi Bible hna rel a herh bantukin sawhsawh le fawi tein Pathian upatnak lawng a siter mi cauk hna zong kha rel a hau ve. Cakhawmh (ṭial) tu i a fimthiamnak dot niamsang kha zohchih loin a hmaan (dinnak) bia bak kha sunhsak ngaihnak kha upat pek in (papekin) na rel lai.

Aho nih a chim timi kha biahalnak tuah loin konglam lawnglawng kha cekhlat na tuaktaan lai. Minung hna cu a thi mi phun, a lotlau mi phun an si. Pathian i a biathiang tu cu zungzal in a hmun. Pathian nih cun mithmai kau bi zoh loin mi vialte hna kha a phun phun lam (ningcang) hna in a kan cawnpiak. Bible rel tikah kan nih cu thiam duh hngalh ceih khaan bia ruah duhmi i biataknak ruang ah hnahnawhnak nganpi a si. Angaite tiah cun sawhsawh te zumhnak lungput lawng in rel awk a si. Bible relnak ṭhathnemnak na hmuh duh ahcun na thinlung niamter law dinfel upatnak thinlung he cawng tuah. Mithiam mifim ngeihmi tiah min co ding tinhnak in Bible kha cawn le rel ding a si lo. Bia halnak tuah ding khul nuar hlah. Mithiang hna i chimmi le cawnpiaknak hna kha upatnak he dai tein na ngaih lai. Hlan pupa hna i phungthluk bia hna zong kha zeirel loin um awk a si lo. Khi hna cu a ruang um loin an rak chim lo caah a si.