Pope Leo XIV nih Vatican Radio a tlawn
Pope Leo XIV nih Vatican Radio a tlawn
RVA Hakha, 21,6,2025
Tukum June 19 cu Pope Leo XIV i Tlangbawi a cannak kum (43) tlinnak ni a si. Nihin ah Pope Leo XIV nih Holy See i mipi pehtlaihnak zung a umnak Santa Maria di Galeria i radio station cu a va zoh.
Station riantuantu hna he an i tong i thawngthanhnak hmun pawl kha a zoh hna. Hi Station hi 1957 ah Pope Pius XII nih a dirhmi a si i, 1991 ah Pope John Paul II nih a rak tlawn bal tiah theih a si.
Pope Leo nih a peh rihmi cu, Latin America le Africa ah missionary rian a ṭuan lio ah, Vatican Radio thawngthanhnak hna cu radio station tlawmpal in ka lak khawh hna, cu hna cu mankhiah khawh lomi an si. Hihi missionary rianṭuannak i mipi pehtlaihnak man a si tiah a ti.
Thawngzamh pehzulh tein thlahnak ah zumhawktlak tein rian a ṭuanmi rianṭuantu vialte cungah lunglawmhnak bia a chim, rianṭuantu hna cungah thluachuahnak a pek hna.
Vatican News in kan lakmi a si.