Fimnak in Ziaza dinnak ah

Mi nih an chimmi paoh, na lung chungah a cang chuakmi paoh fawitein an zum hlah. Kong lam paoh ah Pathian hmai zoh in ralrin fimnak in duhsah tein tuaktaan a hau. Kan nih cu kan lungput a niam tuk. Mi dang i ṭhatnak nak in an ṭhat lo nak kong kha zumh le chim kan i fawih deuh. Ziaza ṭhatnak (ပါရမီ/virtue) he a tlingmi hna cu mi kong an ceih phai mi paoh fawi tein an in an zum hna lo. Mi hna cu chuahkehnak tlamtling lo in a hrampi tein ṭhat lo nak lei ah a n sawn a fawinak le bia chim an i palh ṭheo kha an hngalh cang caah a si. Hi vawlei ah thil tuahṭuan mi hna ah mah ruahnak kha kamkhat lei lawnglawng i hruhchihnak cu a nganmi ralrin fimnak a si. Cu bangin kikip nih an chimmi bia kha fawitein zumh tawnnak kha siseh, mah lung in ruahmi paoh, theihmi paoh siseh, midang kha rianrang in chimh loin munak zong kha a nganmi fimnak a si ve. Phil 3:8

  Theih hngalhnak a ngei i ṭuanvo a upatmi hna he ceih khaan in ruahnak hal. Na saduhthah, na ruahnak hna kha zulhnak nakin, nangmah nakin a ziaza a ṭha khunmi cawnpiak chimh hrinnak kha duh law i ngeih. A nunnak lamthluan ah ziaza ṭha mi cu Pathian hmai ah a fimmi a si i zeizong vialte hna kha ṭha tein a thiam mi zong a si ve. Mi pakhat cu Pathian kha a upat i a mah pum kha aa niamter tik paoh ah mah mi pa/ nu cu cu zeizong te ah hmuhtheih a ngeimi, lungdaihnak a ngeimi a si.