Cite le Ceunak

Cite le Ceunak le Khrihfa timi min an peknak

Matthai 5:13-16 “Nannih cu vawlei cite nan si. Sihmanhsehlaw cite kha a alnak cu a loh ahcun, zeitindah alter khawh a si ṭhan ti lai? Santlaihnak kha a ngeih ti lo caah hlonh awk le lamh awk men a si ko cang.” “Nannih cu vawlei ceunak nan si. Tlang cungah an tlakmi khua cu zeihmanh nih a phen kho lo. “Ahohmanh nih meifar an van tikah kho an khuh bal lo, mei vannak tu ahkhan an chiah tawn i innchung i a ummi vialte kha a ceuh dih hna.” “Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.”

Kannih Khrihfa hna cu vawleimi caah cite le ceunak kan si awk hrimhrim a si. Zeitindah ceunak kan si khawh lai tiah cun midang cung i zangfahnak, lungthin ṭha he rianṭha kan ṭuanmi hi kan ceunak a si. Khrihfa hna cu vawleimi hna caah cite le ceunak kan si. Antiok khua ah Khrihfa timi min hi an rak ngahmi a si. An tuah sernak le pakhat le pakhat an i dawtnak kha zumlotu hna caah ceunak an rak si. Khrihfa timi min an ngah hlanah Khrihfa hna i an tuahsernak kha an langhter hmasa. Dawtnak le lungrualnak in kan alnak le kan ceunak kha kan langhter lai.

%Youtube 👇👇👇