RVA Sui Jubilee

Hakha, Falam, Mindat RVA Services Jubilee Puai

Philippines ram in Radio Veritas Asia timi Radio/Aw thlahnak thawngin Bawipa Thawngṭhabia a phuannak kum 50 tlinnak puai cu October 16 cacawn nithum ni ah Hakha Diocese i Hakha khualipi St. Joseph’s Cathedral Biakinnpi ah hlunghlai ngaiin tuah ve kha a si. Cu, Sui Jubilee Missa Raithawinak ah Bishop Lucius Hre Kung le ramdang in Tlangbawi pannih telhchih in Tlangbawi 20 an i tel kho.

Hakha Diocese chung i RVA Services pathum a simi Mindat Service, Falam Service le Hakha Service fonh in puai tuah ṭi a si. Zanlei 4pm in Missa Raithawinak tuah a si i a dih tikah aa pumhmi zumtu pawl kha zanriah danghnak an tuah. Zaanriah a dih in RVA kongkau chimnak cu Rev. Fr. George Plattom (Head of OSC – FBAC) le le Rev. Fr. Gabriel Htun Myint (RVA Moderator) hna nih a ngeih.

Cun, adang programs hna le Chin nunphung laam phuntling hmuhnak in caanhman a si i Zaan suimilam 9:30 pm ah Bishop Lucius i thluachuah peknak he RVA Sui Jubilee cu tluang ngaiin le lunglawm tein donghter a si.

RVA Hla <<< Hakha, Falam le Mindat Holh in >>> You tube 👇