Nu le Va “Dinfelnak”

Monday, March 16, 2020

Keimah timi Lungput Ngeilo ding

Catholic Bupi ah aa ṭhit-um mi nu le va hna cu (thisa khat) pumkhat an si (Gen. 2:24). Nu le va a simi hna nih chungkhar kongah, a bimi ruahnak “Keimah” timi biafang hi hman awk a si ti lo.

Nu le va a simi nih chungkhar kongah “nangmah ṭuanvo, keimah ṭuanvo; nangmah rian, keimah rian; nangmah kongkau, keimah kongkau; nangmah thil, keimah thil” tiin i thleidan khawh a si ti lo. “Kanmah rian, kanmah ṭuanvo, kanmah kongkau, kanmah thilri, kanmah chungkhar timi hngalhthiamnak le cohlanthiamnak chiah ding a si. “Keimah” timi ruahnak siloin, kanmah timi ruahnak hi chiah a herh.

“Kannih innchungkhar” timi biafang hman cu zapi he aa pehtlaimi sinak kha a langhter. An pahnih in chungkhar ṭuanvo (chungkhar caah ṭuanvo rian ngan) kha lak ding a si. Innchungkhar rian cu kanmah rian a si, timi lungthin ngeih a hau. Tuanvo tlolhnak, lungduhlonak langhter lengmang cu chungkhar hrawh bantuk a si. Keimah timi lungthin a ngeimi cu amah duh herhmi, amah lungdiriamnak, amah nuamhnak lawng kha papekin a tuah i a biapi ah a chiah tawn. Midang duhherhmi, midang ruahnak, midang lungtlinnak tuah kha zeiah a rel tawn lo. Hmaikal i a ṭuantu sinak in, midang rian fial ding lawng kha an duh deuh.

Nu le va hna nih “keimah” timi lungput an ngeih chung paoh cu pakhat le pakhat an i “Daw” taktak kho lai lo. Zeicah kan ti a siah cun midang kha thilri pakhat bantukin an hmuh hna caah a si. Nu le va sinakin nun cu chungkhar caah aa tluk tein rianṭuan ti le i zohkhenh ding a si. Nupile lawng asiloah vale lawng kha rianṭuantu ding menmen ah ruah cu ngaihchiat awk ngaingai a si.

Keimah timi lungthin a ngeimi hna cu chungkhar rian nakin amah duhmi, amah nuamhnak le lungtlinnak lawng kha papekin an tuah tawn.

Chungkhar pakhat ah keimah timi lungthin nih a hruai hna chung paohpaoh cu i sikvelhnak, ṭuanvo tolhnak le har tonnak hna lawng kha a chuahter i a donghnak ahcun chungkhar ah buaibainak (nu le va) ṭhennak tiang a phanhter tawn. Keimah ti mi lungput kan ngeih chung paoh cu, innchungkhar ṭha pakhat kan ser kho lai lo.  Keimah ti duhnak thinlung cu duhdawtnak a zotertu le chungkhar rawhralnak hrampi pakhat a si. Mah zawnlawng aa ruatmi hna sining he pehtlaiin Mithiang Paul nih a timi cu:”Minung  sining nih a tuah tawnmi cu a fiang ko: nu le pa sualnakte hna, a thurhnawmmi thilte hna, aa dawhcah lomi thilte hna, siasal biak tehna le dawih le eihte hna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen, ziar an i ngeih, zu an ri, an au an khuang i cubantuk thil a dang tampi kha an tuah lengmang hna (Gal 4:19-21).Monday, March 16, 2020

Catholic Bupi ah aa ṭhit-um mi nu le va hna cu (thisa khat) pumkhat an si (Gen. 2:24). Nu le va a simi hna nih chungkhar kongah, a bimi ruahnak “Keimah” timi biafang hi hman awk a si ti lo.

Nu le va a simi nih chungkhar kongah “nangmah ṭuanvo, keimah ṭuanvo; nangmah rian, keimah rian; nangmah kongkau, keimah kongkau; nangmah thil, keimah thil” tiin i thleidan khawh a si ti lo. “Kanmah rian, kanmah ṭuanvo, kanmah kongkau, kanmah thilri, kanmah chungkhar timi hngalhthiamnak le cohlanthiamnak chiah ding a si. “Keimah” timi ruahnak siloin, kanmah timi ruahnak hi chiah a herh.

“Kannih innchungkhar” timi biafang hman cu zapi he aa pehtlaimi sinak kha a langhter. An pahnih in chungkhar ṭuanvo (chungkhar caah ṭuanvo rian ngan) kha lak ding a si. Innchungkhar rian cu kanmah rian a si, timi lungthin ngeih a hau. Tuanvo tlolhnak, lungduhlonak langhter lengmang cu chungkhar hrawh bantuk a si. Keimah timi lungthin a ngeimi cu amah duh herhmi, amah lungdiriamnak, amah nuamhnak lawng kha papekin a tuah i a biapi ah a chiah tawn. Midang duhherhmi, midang ruahnak, midang lungtlinnak tuah kha zeiah a rel tawn lo. Hmaikal i a ṭuantu sinak in, midang rian fial ding lawng kha an duh deuh.

Nu le va hna nih “keimah” timi lungput an ngeih chung paoh cu pakhat le pakhat an i “Daw” taktak kho lai lo. Zeicah kan ti a siah cun midang kha thilri pakhat bantukin an hmuh hna caah a si. Nu le va sinakin nun cu chungkhar caah aa tluk tein rianṭuan ti le i zohkhenh ding a si. Nupile lawng asiloah vale lawng kha rianṭuantu ding menmen ah ruah cu ngaihchiat awk ngaingai a si.

Keimah timi lungthin a ngeimi hna cu chungkhar rian nakin amah duhmi, amah nuamhnak le lungtlinnak lawng kha papekin an tuah tawn.

Chungkhar pakhat ah keimah timi lungthin nih a hruai hna chung paohpaoh cu i sikvelhnak, ṭuanvo tolhnak le har tonnak hna lawng kha a chuahter i a donghnak ahcun chungkhar ah buaibainak (nu le va) ṭhennak tiang a phanhter tawn. Keimah ti mi lungput kan ngeih chung paoh cu, innchungkhar ṭha pakhat kan ser kho lai lo.  Keimah ti duhnak thinlung cu duhdawtnak a zortertu le chungkhar rawhralnak hrampi pakhat a si. Mah zawnlawng aa ruatmi hna sining he pehtlaiin Mithiang Paul nih a timi cu:”Minung  sining nih a tuah tawnmi cu a fiang ko: nu le pa sualnakte hna, a thurhnawmmi thilte hna, aa dawhcah lomi thilte hna, siasal biak tehna le dawih le eihte hna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen, ziar an i ngeih, zu an ri, an au an khuang i cubantuk thil a dang tampi kha an tuah lengmang hna” (Gal 4:19-21).