Fale hna nih Nu le Pa cungah chiah dingmi Ṭuanvo a peh

Fanu/ pa hna cu ngakchia Jesuh Bawipa kha zohchunh awk asi. Ngakchia Jesuh cu nu le pa hna upat le ngaihnak kha Bible ah atanglei bantuk in roca a ṭial.

“Cuti cun Jesuh cu an sin ah Nazareth khua ah khan akir i a nu le pa kuttang ah nawl ngaite in a um…… Jesuh cu pum lei i siseh, fimnak lei in siseh, ahung ṭhang i Pathian hmai le minung hmai ah mit hmaiṭha a hmu.”(Lk 1:51 – 52).

 Nu le pa bia ngaihnak cu fimnak akarhter i limhaang akarhter hrimhrim mi asi.

Prussia Siangpahrang Frederick the Great cu a ih laiah aa hngilh kho lo i a vengtu ralkaptu ralkap pa kha cauk pakhat rak ka pe, tiah ahal. Asinain lehnak pakhat hmanh a um lo caah a thin a hung i naihniamte in ṭuanvo a lami a vengtu ralkap Ziathan umnak lei a va zoh tikah aa hngilh kha a hmuh caah a thin ahung chinchin. Cu ralkap pa cu cabuai cung akut a chiah i aa hngilh. Cabuai cung zong ah ballpen pakhat aṭal lio mi ca pakhat a hmuh i a lak i arel tikah a nu sin ah atanglei bangin a ṭial mi kha a hmuh.

“Ka nu, na fapa tu zan hngilh ka duh tuk. zeicah tiah ka it lo zan atam, caah asi. Hi ni hna ah nafa pa ṭuanvo lak ni asi lo nain, tangka hmuh duh ah kahawi ralkap hna ṭuanvo kha ka kuat cu,” tiah a ṭial mi, a donghter rih lo mi ca pakhat a rel caah Siangpahrang pa cu a nu cungah a lawmh thiam mi fapa fim cungah atheih suitangka tom khat (kut sum khat) kha a lak i a vengtu zithen a ihnak khung cungah a chiah piak. Anu kha a upat i a daw mi hi avengtu pate cu hihnu ah Boyokekyi zithan arak si, tiah kan theih.

Fale hna cu nu le pa khak upatnak, nu le pa bia ngaihnak hlei ah nu le pa nih harnak an ton caan ah le nu le pa an tar tikah zohkhenh ṭhan ding `uanvo zong an ngei. Nu le pa bawmhnak (thluachuah) kha philh ding asi lo.

St. Rose of Lima cu nu le pa ṭhathnemnak a theimi nu pakhat asi. Amah i a rummi a nu le pa hna cu an sipuazi arawk i harnak an rak ton lio ah a mah cu inn pakhat ah chun he zan he thabat ngai in rian a tak ṭuan piak hna i nu le pa ṭhathnemnak kha arak cham tiah ca chungah kan rel bal.

A nu le pa ṭhathnemnak athei i a fimmi nu te cu atu ah Mithiang nu asi cang.