St. Anthony Mary Claret, Bishop

Sualhram ngeilo Nu Mary lungthin thiang fa hna missionary phu (Missionary son of Immaculate Heart of Mary) kha a rak tuah hmasa tu St. Anthony Claret cu Spain ram Sallent khua, kum 1807 ah a chuak. Siangbawi cannak a hmuh hnu kum 1849 hnuah Anthony Claret cu Spain ram vialte ah a vak i minthangmi rawlulh thlacam missionary rian kha a rak ṭuan.  

Kum 1849 ah sualhram ngeilo Nu Mary lungthin thiang fa hna missionary phu kha a rak dir thawk. An phu i a biapibik mission rian cu ram chung le ramleng mission rianṭuan nak a si. Cu hnu kumkhat a rauh tikah Fr. Anthony cu Santiago de Cuba Bishop ah rian khinh a rak si. Amah cu mission uknak chung i a ṭhalo tuk cangmi dirhmun kha a hmuh caah thlarau lei remthlennak kha rianrangin a rak ṭuan colh. A mission rian kauhnak caah Tikulh chungah cun sualhram ngeilo Nu i Sister hna phu (Teaching sisters of Mary Immaculate) zong kha a rak dirh.  

Kum 1856 ah Spain ram ah an rak auh ṭhan i Siangpahrang nu Isbel II i Thlarau lei lam hmuhsaktu Siangbawi ah rian khinh arak si. Cu rian he komh in ṭhawngṭha kha hmunkip ramkip ah karhter dingin Biaknak kip ah Biaknak lei santlai mi cauk hna zong a rak chuah. (The Liveria Reiligiosa of Barcelona) cu ram chung vialte ah ṭhawngṭha karhnak le thar chuahnak (hrintharnak) ah abiapi bikmi hmun hma a rak si.  

1870 kum, a thih ṭiangin a nunnak hnubik caan hna kha France ram Mon Friar de Khua i Chitesian zateik Sianginn ah a liamter. Amah a nunchung vialte ah phungchimnak 10000 le Biaknaklei he pehtlaimi cauk 200 kha a nam i a rak chuah.