Korea Bishops, Tlangbawi(siangbawi) hna le Pathian rianṭuantu hna kha remdaihnak tehte khaantu si dingin Pope nih thazaang peknak le forhfialnak a tuah

Pope Leo 14 nih Vatican ah October 5 ah Korea tlangbawi le Sisters, Brothers hna le Pathian rianṭuantu hna he tonnak an ngeih lio ah thlacampiaknak le biachim biacahnak a ngeihmi cu, “Vawleicung Mino Ni (World Youth Day) cu 2027 ah Thlanglei Korea ram khualipi Seoul ah tuah asi lai caah, cuka pumh dingah a ra phanmi hna nih Korea martyrs hna zumhnak kha an hmuh lai i vawleicung kakip lam cung ah an kalpi lai i an aupi lai tiah aa ruahchannak kong a chimh hna. Hi puai ah aa tel dingmi mino hna caah ruahchannak tehte si hram ulaw Korea tikulh hmunram hna ah daihnak sertu si hram uh, tiah a ti. Vatican ah Pope he aa tongmi Thlanglei Korea Bishop, Siangbawi, Sisters hna le zumtu Khrihfa hna an zapi ah minung170 hrawng an si i cu hna lak ah a tam deuh cu a ra laimi Vawleicung Mino Ni (World Youth Day) caah timhtuahnak he aa pehtlaimi an si tiah theih asi. Korea ram ah Khrih le a Bupi caah thisen luangmi hna an zumhnak nih nihin ah (missionary) thazaang thar a hmuh khawh. Lamhlatpi Korea ram in Vatican ah nan ra ko nain hika ah hi nan inn asi ve, tiah a ti. A hlan ahcun ram dang in Korea ah missionary thlah an rak sinain, atu ahcun Pathian rianṭuantu Bishop, siangbawi, brother, sister (missionary) hna tampi an umnak ram ah asi cang. Hi vialte hi zumhnak caah nunnak petu Korean (martyrs) hna zumhnak le raithawinak ro sunglawi cung ah a hram aa bunh tiah Pope nih a ti. Sining tuanbia nih Pathian rianṭuannak a chuahter i cu mission rianṭuannak nih ruahchannak lam ah a kan hruai.Vawleicung hmun kip in mino hna cu martyrs hna tehte khaannak le KhrihThawngṭha thlaici tuh asinak Korea ram ah an phan lai. Kan hnu lei kan tuanbia le a ralai mi hmailei chan kar ah i tonnak nganpi si seh tiah saduhthahnak ka ngei. Korea ram Martyrs hna nih an zumhnak kha chanthar mino hna sinah an pek hna i, mino hna nih vawlei ah an kalpi lai i an aupi lai tiah a chim.