Pope Leo: Minung ruang ah a rawkral dih cangmi sermi thil (creation) vialte hna kha nunter ṭhan ding ah a tlaituk rih lo  

Pathian sermi kokek pawngkam rawhralnak kha nunter ṭ han (ecological conversion) awk le sifakmi hna zohkhenhnak biakamnak tharchuah ṭ han awkah Pope nih Khrihfa hna sin ah forhfialnak a tuah. September 1 ah Castel Gandolfo i (Laudato Si khua) ah tuahmi Sermithil le Pawngkam Zohkhenhnak caah Vawleicung huap in Thlacamnak Missa raithawinak ah, Pope Leo nih zumtu hna kha sermi vawlei dawhnak kha man ngeihter awk le kilven zohkhnehnak thawngin Sertu kha hngalh awkah a sawm hna. Laudato Si’ dum chungah ah, Pathian sermi thil (creation) kong ruahṭ hannak cu a biapi ngaingai tiah a ti. Mei, thli, ti a luangmi asiloah vancung arfi hna kha khuaruahhar ngai in um men lawng a za lo. Hibantuk khuaruahhar thil vialte a Sertu Pathian sin ah kan lawmhnak le kan thangṭ hatnak a phanh a hau. Pathian Sermi aw dawh kha ngai uh.

Nifatin kan nunnak ah buaibainak le aw thawng a phunphun nih Pathian sermi awthawng a kan theihter tawn lo. Cucaah nifatin kan nunnak ah a thang ngaimi aw thawng hna chung in chuah i Sermi thil hna aw ngai awk ah caan pek kan i kokek pawngkam sermi thil hna he remdaihnak kan ser a herh tiah a ti. Minung cawlcanghnak nih a chuahtermi aw tampi kha dai tein’ chiah hna usi law sermi thil hna aw dawh kha kan theih khawh lai. Sermi thil vialte hmang in Sertu Pathian nih a kan chawnh i minung le sermi thil hna kan i pehtlaihnak nihPathian he kan i tonnak hramthawknak a si. A hmaanmi pawngkam thlennak le zohkhenh kilvennak nih Khrih he i tonnak a chuahpi i minung le zeizong vialte kan i pehtlaihnak a lang tiah Pope nih a ti.